جاڭا جوبانىڭ ەرەكشەلىگى - قاعازدى شىعارۋدا ءتۇرلى شيكىزاتتىڭ: ساباننىڭ، سەلليۋلوزا جانە ماكۋلاتۋرانىڭ قولدانىلۋىندا. «ءبىزدىڭ كومپانيا بۇل جوبانى جۇزەگە اسىرۋدى كوپتەن ويلاپ ءجۇر. زەرتتەۋلەر قاعازعا دەگەن قاجەتتىلىكتىڭ جىل سايىن ارتىپ كەلە جاتقانىن كورسەتەدى. ويتكەنى بۇكىل الەم ەكولوگيالىق، تەز ءشىريتىن زاتتارعا باسىمدىق بەرۋدە. قازىر ءار قازاقستاندىق جىلىنا شامامەن 3 ك گ قاعاز قولدانادى، رەسەيدە كورسەتكىش 5 ك گ بولسا، ەۋروپا تۇرعىندارى جىلىنا 11 ك گ قاعازدى پايدالانادى. ءبىز باستاپقىدا ونعا جۋىق ءونىم ءتۇرىن شىعارۋدى جوسپارلاپ وتىرمىز. ولار: قاعاز سۇلگىلەر، دارەتحانا قاعازى، كەڭسەلىك تەحنيكاعا ارنالعان قاعاز، قاعاز مايلىقتار، قاعاز ورامالدار جانە ءتۇرلى پىشىمدەگى پاكەتتەر»، - دەيدى «رادۋگا» ج ش س باس ديرەكتورى دميتري شاراپايەۆ.
كاسىپورىن جەتەكشىسىنىڭ ايتۋىنشا، ەلىمىزدە سانيتارلىق- گيگيەنالىق قاعازدى شىعاراتىن جالعىز كومپانيا الماتىدا ورنالاسقان. ولار ەسكى تەحنولوگيامەن تەك قاعاز مايلىق ءوندىرىسىن جولعا قويعان. شيكىزات رەتىندە ماكۋلاتۋرانى قولدانادى. «رادۋگا» ج ش س دە بۇرىن ماكۋلاتۋرانى وسى كاسىپورىنعا وتكىزىپ كەلگەن. جاڭا زاۋىت اشىلىسىمەن شيكىزاتتى ءوز وندىرىسىندە قولدانباق.
«جاڭا جوبا قىتايلىق تەحنولوگيامەن جۇمىس ىستەيدى. قاجەتتى قوندىرعىلاردى وسى اسپان استى ەلىنەن جەتكىزەمىز. ولار ءوز قوندىرعىلارىمەن بىرگە مىندەتتى تۇردە تەحنولوگيانى دا ساتادى. ال ونى وزىمىزگە قاراي ىڭعايلاپ، جەتىلدىرەمىز»، - دەيدى دميتري شاراپايەۆ.
سولتۇستىك قازاقستان - استىقتى ءوڭىر. سول سەبەپتى شيكىزات رەتىندە ساباننان قيىندىق تۋمايدى. «جاڭا جوبانىڭ ارتىقشىلىعى دا وسىندا - شيكىزات قول استىندا. الىسقا بارۋدىڭ قاجەتى جوق، ارزان. شارۋاشىلىقتار دا قار استىندا قالدىرماي، ساتىپ پايدا كورەدى. سەلليۋلوزا - پرەميۋم كلاسقا جاتاتىن شيكىزات. ودان وتە ساپالى قاعاز جاسالادى. ءبىز سەلليۋلوزادان كەڭسە قاعازىن جاساماقپىز. قازىرگى ۋاقىتتا شيكىزاتتىڭ وسى ءتۇرىن جەتكىزەتىن كومپانيالاردى ىزدەستىرىپ جاتىرمىز. ءبىرىنشى كەزەكتە قازاقستاندىق جانە كورشى رەسەيدىڭ وندىرۋشىلەرىمەن جۇمىس ىستەيمىز. ال ماكۋلاتۋرا بويىنشا قازىر نارىقتى زەرتتەپ جاتىرمىز، جەتپەگەنىن ساتىپ الامىز»، - دەيدى كاسىپورىن باسشىسى.
«رادۋگا» ج ش س 10 جىلدان ارتىق سانيتارلىق- گيگيەنالىق ماقساتتاعى قاعاز ديستريبۋتسياسىمەن اينالىسادى. قازاقستاننىڭ 10 قالاسىندا فيليالى بار. نارىق تانىس. ءوز ونىمدەرىن ەل ىشىندە عانا ساتپاي، جاقىن شەتەلگە شىعارۋدى دا جوسپارلاعان. «نارىقتى زەرتتەي كەلە بايقاعانىمىز، مۇنداي ءونىمدى 500 ك م راديۋستا وتكىزگەن ءتيىمدى. % 50 ەكسپورتقا شىعارماق ويدامىز. ءوندىرىستى 2021 -جىلدىڭ كوكتەمىندە قوسۋدى جوسپارلاپ وتىرمىز. قازىر جاڭا زاۋىتتىڭ عيماراتىن قالىپقا كەلتىرىپ جاتىرمىز. قازىرگى تاڭدا جوبانىڭ جالپى قۇنى 4 ميلليارد تەڭگەگە باعالانعان»، - دەيدى جوسپارىمەن بولىسكەن كاسىپكەر.
جاڭا زاۋىت ايىنا 500 توننا سانيتارلىق- گيگيەنالىق ماقساتتاعى قاعاز بەن قاعاز پاكەتتەر شىعاراتىن بولادى. وندىرىسكە 50 ادام تارتىلماق. «قازىرگى تاڭدا ءبىز دە پاندەميانىڭ سالدارىن تارتىپ جاتىرمىز. شەتەلگە شىعىپ قوندىرعىلارمەن، جاڭا تەحنولوگيامەن جاقىن تانىسۋعا مۇمكىندىك جوق. بانكتەر دە بولاشاقتا العان نەسيەنى قايتارۋعا دارمەنى جەتەر مە ەكەن دەپ كليەنتتەرگە سەنىمسىزدىكپەن قارايتىن بولعان. ءبىراق مۇنىڭ ءبارى ۋاقىتشا قيىندىق ەكەنىنە سەنەمىز. ءوڭىر ءۇشىن اسا قاجەت، ماڭىزدى جوبانى جۇزەگە اسىرامىز»، - دەيدى دميتري شاراپايەۆ.
اۆتور: اقەركە داۋرەنبەك قىزى