ونىڭ ىشىندە ءمينيستردىڭ قاشىقتان وقىتۋ بويىنشا ەسەپ بەرۋدى تالاپ ەتپەۋ جونىندەگى بۇيرىعىنىڭ مەكتەپ اكىمشىلىگى نەمەسە ءبىلىم بەرۋ بولىمدەرى تارابىنان بۇزىلعاندىعى تۋرالى پەداگوگتەردىڭ شاعىمدارى دا بار.
«بارلىق شاعىمدار قارالدى. كەيبىر جاعدايلاردا بۇيرىقتى بۇزۋ فاكتىلەرى راستالدى. بۇگىنگى كۇنى پەداگوگتەردەن قاشىقتان وقىتۋ بويىنشا ەسەپ بەرۋدى تالاپ ەتكەنى ءۇشىن (ۆيدەوفراگمەنتتەر، سكرينشوتتار مەن فوتو) الماتى وبلىسىندا مەكتەپ ديرەكتورى، قاراعاندى وبلىسىندا ءبىلىم ءبولىمىنىڭ قىزمەتكەرى جانە اقتوبە وبلىسىندا ادىستەمەلىك كابينەتتىڭ مەڭگەرۋشىسى جازالاندى» دەلىنگەن حابارلامادا.
ەستەرىڭىزگە سالا كەتەيىك، ق ر ءبىلىم جانە عىلىم ءمينيسترىنىڭ «COVID-19 كوروناۆيرۋستىق ينفەكسيا پاندەمياسى كەزەڭىندە وقۋ پروتسەسىن قاشىقتان وقىتۋ تەحنولوگيالارىنا كوشىرۋ كەزىندە ءبىلىم ساپاسىن قامتاماسىز ەتۋ بويىنشا قوسىمشا شارالار تۋرالى» بۇيرىعىنا سايكەس پەداگوگتەردەن قاشىقتان وقىتۋ بويىنشا ەسەپ بەرۋدى تالاپ ەتۋگە بولمايدى. بۇل ماسەلە ءبىلىم جانە عىلىم مينيسترلىگىنىڭ ەرەكشە باقىلاۋىندا.