ا ق ش- تا قايعىلى رەكورد ورنادى
ا ق ش- تا 400 مىڭعا جۋىق ادام كوروناۆيرۋس جۇقتىرعان. ونىڭ شامامەن 13 مىڭى كوز جۇمدى. كوبى - نيۋ- يورك شتاتىنىڭ تۇرعىنى. اۋرۋلار قاتارى كۇن ساناپ مىڭداعان ادامعا ارتىپ جاتقاندىقتان، اۋرۋحانالار ولاردى قابىلداپ ۇلگەرمەي جاتىر. ناۋقاستاردىڭ ءبىر بولىگى ەندى شىركەۋگە ورنالاستىرىلا باستاعان. ماسەلەن، نيۋ- يوركتەگى يوانن بوگوسلوۆ كافەدرالدىق شىركەۋىندە ارنايى 9 شاتىر قۇرىلىپ جاتىر. وعان 200 ناۋقاس سيادى. ءمايىت كوبەيگەن سوڭ پەنتاگون وڭىرگە جەرلەۋ بريگاداسىن اتتاندىردى. سونداي- اق مىڭ اسكەري دارىگەر دە كەلىپ جەتتى.
جاكلين كاللاحان، مەدبيكە:
- جۇمىستا نەشە ءتۇرلىنى كورەمىز. ءبىراز ادامدا اۋرۋ جەڭىل تۇردە ءوتىپ جاتىر. ولار تەز ساۋىعىپ كەتەدى. الايدا جاعدايى كۇردەلى ناۋقاستار بار. جانە ولاردىڭ سانى وتە كوپ. ءبىز ءوزىمىز ءۇشىن دە قاتتى الاڭدايمىز. مەن ۇيگە كەلگەندە، جاقىندارىما ۆيرۋس جۇقتىرىپ الامىن با دەپ قورقامىن. ا ق ش- تاعى ۆيرۋس قۇرباندارىنىڭ اراسىندا افروامەريكالىقتار كوپ. قۇقىق قورعاۋشىلار ەلدە مەديتسينالىق قىزمەتتىڭ ناسىلىنە قاراماي، بارىنە بىردەي قولجەتىمدى بولۋىن قاداعالاۋ قاجەتتىگىن ايتادى.
وسى پاندەميا 10 ميلليونعا جۋىق امەريكالىقتى جۇمىسسىز قالدىردى. سول سەبەپتى جۇرتتىڭ ءبىر بولىگى ساقتاندىرۋ پوليسىنە اقشا اۋدارا المايدى. سوندىقتان ەمدەلۋ شىعىنىن وتەۋ وڭايعا سوقپاي تۇر. سولاردىڭ ءبىرى - دەنني اسكيني.
دەنني اسكيني، جەرگىلىكتى تۇرعىن:
- كوروناۆيرۋستان ەمدەلىپ شىققاننان كەيىن اۋرۋحانانىڭ شوتىن كورىپ، جاعامدى ۇستادىم. ول 34 مىڭ دوللارعا شىققان. ءبىر عانا تەستتىڭ وزىنە 907 دوللار كەتكەن عوي. ماسقارا! مەن ەمحانادا 3 رەت بولدىم. ءار بارعان سايىن 3 مىڭ دوللاردان تولەپ وتىردىم. سوندا تەستتى تەك ءۇشىنشى رەت بارعانىمدا عانا تاپسىرا الدىم. امەريكالىقتار اۋرۋحانالاردىڭ قىزمەتىنە شاعىمدانىپ جاتسا، ا ق ش پرەزيدەنتى دۇنيەجۇزىلىك دەنساۋلىق ساقتاۋ ۇيىمىنىڭ جۇمىسىن سىنعا الدى. اق ءۇي باسشىسى ۇيىمدى قارجىلاندىرۋدى توقتاتاتۋى مۇمكىن ەكەنىن ايتادى.
www.24.kz