كوروناۆيرۋس وشاعى بولىپ سانالاتىن ۋحان قالىپتى ءومىر سۇرە باستادى
8-ءساۋىر تۇنگى ۋاقىتتا تراسسالار اشىلا باستادى، - دەپ حابارلايدى ريا نوۆوستي.
پروۆينسيا ورتالىعى حۋبەيدە 23-قاڭتاردان باستاپ كوروناۆيرۋس ينفەكسياسىنا بايلانىستى قالا بويىنشا قوعامدىق كولىكتەر، ونىڭ ىشىندە مەترو، اۆتوبۋس، پاروم قوزعالىسى توقتاعان. تۇرعىندارعا قالادان شىعۋعا تىيىم سالىنعان.
28-ناۋرىزدان باستاپ ۋحاندا قالاعا كىرۋ ءۇشىن تەمىر جول قاتىناسى ىسكە قوسىلىپ، ال 8-ساۋىردەن باستاپ قالادان شىعۋ ءۇشىن دە جول اشىلدى. سونداي-اق اۋە قاتىناسى دا جاڭارتىلا باستادى. بۇعان دەيىن قىتايلىق بيلىك ۋحان تۇرعىندارى تەك جاعدايى جاقسى بولسا جانە وزگەلەردىڭ دەنساۋلىعىنا قاۋىپ توندىرمەسە شىعا الاتىنىن ايتقان.
CGTN تەلەارناسىنىڭ مالىمەتىنشە، ۋحان بىرتىندەپ قالىپتى ومىرگە ورالا باستاعان. ال كوروناۆيرۋستان ەمدەلىپ شىققانداردىڭ جاعدايى جاقسى ەكەنىن ايتقان.
«مەنىڭ باستى ارمانىم - ومىردەن راحاتتانىپ، ودان ەڭ جاقسىسىن الۋ»، - دەيدى ۋحان تۇرعىنى.
«مەن اۋرۋحانادا جۇمىس ىستەدىم، سوندىقتان كەسپەنى ءبىر اي بويى جەي المادىم. ءدامى كەرەمەت. شىن مانىندە، ماعان بۇل ءدام جەتىسپەپتى»، - دەيدى جەرگىلىكتى مەدبيكە.