ەلوردادا تەرەزەدەن قۇلاپ كەتكەن ەكى بالانىڭ بىرەۋى كوز جۇمدى

دەپ حابارلايدى قازاقپارات قالالىق پوليتسيا دەپارتامەنتىنە سىلتەمە جاساپ.

ەلوردادا توتەنشە جاعداي ەنگىزىلگەننەن باستاپ بالالاردىڭ تەرەزەدەن قۇلاۋ فاكتىسى ەكى رەت تىركەلگەن. ءبىر بالا قازا تاپتى.

«19 - ناۋرىز ساعات 13.30-دا ەكى جاسار بالا ۇيدەگى اس بولمەدە ءجۇرىپ، تەرەزەنىڭ جانىنا ورىندىق قويعان. كەيىن اۋا جەلدەتۋ ءۇشىن اشىپ قويعان تەرەزەنىڭ الدىنا شىققان. سالدارىنان قاراۋسىز قالعان بالا 4- قاباتتىڭ تەرەزەسىنەن قۇلاپ كەتتى. بالانى قاراپ جۇرگەن اجەسى سول ساتتە اس بولمەدە ءۇي شارۋاسىمەن اينالىسىپ جۇرگەن. ءبۇلدىرشىن العان جاراقاتىنان اۋرۋحانادا كوز جۇمدى»، - دەدى ەلوردالىق پوليتسيا دەپارتامەنتىنەن.

وسىنداي وقيعا 2 - ءساۋىر كۇنى دە بولعان. «4 جاسار بالا پاتەردە اناسىمەن بىرگە ءجۇرىپ، ۋاقىتشا قاراۋسىز قالعان. سول ساتتە تەرەزەنىڭ الدىنا شىعىپ، 4- قاباتتىڭ تەرەزەسىنەن قۇلاپ كەتكەن. بالا اۋىر جاراقات الىپ، اۋرۋحاناعا جاتقىزىلدى. پاتەردە ونىڭ قاسىندا اناسى بولعان»، - دەپ حابارلادى ەلوردالىق پوليتسەيلەر.