جاۋىن، جەل، شاڭدى داۋىل - جۇماعا ارنالعان اۋا رايى بولجامى
07:07, 03 - ءساۋىر 2020
نۇر-سۇلتان. قازاقپارات - قازگيدرومەت 3 - ساۋىرگە ارنالعان اۋا رايى بولجامىن ۇسىنادى، دەپ حابارلايدى قازاقپارات.
رەسپۋبليكانىڭ باسىم بولىگىندە اتموسفەرالىق اۋا اعىنداردىڭ وتۋىنە بايلانىستى قۇبىلمالى اۋا رايى ساقتالادى.
سولتۇستىكتە تۇنگى ساعاتتاردا كەي جەرلەردە جاۋىن-شاشىن (جاڭبىر، قار)، باسقا ايماقتاردا كوبىنەسە جاڭبىر جاۋادى. كەي جەرلەردە رەسپۋبليكا بويىنشا تۇمان ءتۇسىپ، جەل كۇشەيەدى، وڭتۇستىكتە شاڭدى داۋىلمەن بىرگە، وڭتۇستىك-باتىستا، وڭتۇستىكتە، وڭتۇستىك-شىعىستا نايزاعاي جارقىلدايدى.
سولتۇستىك قازاقستان، اقمولا، شىعىس قازاقستان، جامبىل وبلىستارىندا كەي جەرلەردە تۇمان كۇتىلەدى، جەل 15-20 م/س كۇشەيەدى.
قوستاناي، قاراعاندى، وبلىستارىنىڭ كەي جەرلەرىندە تۇمان تۇسەدى. ماڭعىستاۋ، اتىراۋ وبلىستارىنىڭ كەي جەرلەرىندە تۇمان بولىپ، جەل 15-20 م/س جىلدامدىقپەن سوعادى.
قىزىلوردا وبلىسىندا كۇندىز كەي جەرلەردە جەل 15-20 م/س كۇشەيىپ، شاڭدى داۋىل بولادى.