نۇر-سۇلتان اۋەجايى بارلىق جولاۋشىلار ۇشاعىن قابىلداۋدى توقتاتادى
11:27, 31 - ناۋرىز 2020
نۇر-سۇلتان. قازاقپارات – 1-ساۋىردەن باستاپ ەلوردا اۋەجايىنا جولاۋشىلاردى تاسىمالدايتىن بارلىق ۇشاقتىڭ قونۋىنا رۇقسات بەرىلمەيدى، دەپ حابارلايدى قازاقپارات ق ر د س م تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنە سىلتەمەمەن.
«1-ءساۋىر كۇنگى ساعات 00:00-دەن باستاپ نۇر-سۇلتان اۋەجايى بارلىق حالىقارالىق تۇراقتى جانە ەۆاكۋاتسيالىق جولاۋشىلار ۇشاعىن قابىلداۋدى توقتاتادى» دەلىنگەن حابارلامادا.
سونداي-اق، ۆەدومستۆو مالىمەتىنە ساي، الماتىدا دا 1-ساۋىردەن باستاپ رەيستەردى قابىلداۋ توقتاتىلادى. ال حالىقارالىق جولاۋشىلار اۋە رەيستەرى قازاقستاننىڭ باسقا اۋەجايلارىندا قاتىنايتىن بولادى. ياعني ەلورداعا قونباي، باسقا ايماقتاعى اۋەجايلارعا بارىپ قونادى.
اۆتور: ەربول جانات