العاش رەت ۆيرۋس جۇقتىرعان ناۋقاس سۇحبات بەردى

نۇر-سۇلتان. قازاقپارات - وسى ۋاقىتقا دەيىن ۆيرۋس جۇقتىرىپ، اۋرۋحاناعا جاتقىزىلعانداردىڭ ەشقايسىسى كوروناۆيرۋسپەن اۋىرۋدىڭ قالاي بولاتىنىن ايتقىسى كەلمەگەن.

ك ت ك ارناسىنىڭ تىلشىسىنە ۆيرۋسپەن اۋىرعان قىز ەكسكليۋزيۆتى سۇقبات بەردى.

كوروناۆيرۋستى جۇقتىرىپ العان الينا جانزاقوۆانىڭ سوزىنشە، ول سوvid-19 ۆيرۋسىن كەيىنگە قالدىرىلعان رەيس سالدارىنان گرۋزيادان بەلارۋس ارقىلى ەلگە ورالۋعا ءماجبۇر بولعاندا جۇقتىرىپ العان.

«ۇشاقتا جوتەلىپ، اۋىرىپ وتىرعان ايەلدى كورگەن ەدىك. ءبىراق ونىڭ دياگنوزى انىقتالدى ما بىلمەدىم. ءبىراق ءبىزدىڭ مينسك- الماتى ۇشاعىندا ۆيرۋستى جۇقتىرعان ەكى ادام بولدى. قۇربىم ەكەۋمىز ۆيرۋستى جۇقتىرعان بولساق باسقا ادامدارعا جۇقتىرمايىق دەپ ءبىر تاكسيدە قايتتىق. مەن ۇيدە وقشاۋلاندىم» ، - دەيدى الينا جانزاقوۆا.

الينانىڭ ايتۋىنشا، ەلگە قونعانان كەيىن دارىگەرلەر حابارلاسىپ، بورتتا كوروناۆيرۋسپەن اۋىرعان بىرەۋ بولدى ما دەپ سۇرايدى دەپ كۇتكەن. ءبىراق اۋرۋ بەلگىلەرى بۇرىن پايدا بولدى.

«العاشقى سيمپتومدار: قۇرعاق جوتەل جانە ىشتە، وكپەدە، كەۋدە تۇستان ازداپ قىزۋ مەن كۇيىك سەزىنۋ. مەندە باستاپقىدا دەنەقىزۋى بولعان جوق، قازىر دە جوق. دەنە قىزۋىم - 35 جانە 8. وسى قالىپتان مۇلدەم وزگەرمەيدى. دارىگەرلەر تۇنگى ساعات 2 دە ماعان كوروناۆيرۋس راستالعانىن حابارلادى» ، - دەپ ەسىنە الدى جانزاقوۆا.

ەكى كۇننەن كەيىن جوتەل مەن تاماقتىڭ اۋىرۋى باسىلدى دەيدى الينا. قازىر ول ءوزىن جاقسى سەزىنەدى. قىزدى ۆيرۋسقا قارسى پرەپاراتپەن ەمدەيدى، ول سونداي- اق ا ي ت ۆ جۇقتىرعاندار، ياعني يممۋنيتەت پروبلەمالارى بار ادامدار ەمدەلەتىن اۋرۋحانادا بولعانىن ايتتى. قازىر الماتىلىق بويجەتكەندى تولعاندىراتىن جالعىز نارسە - بۇل بىرەۋگە جۇقتىرىپ المادىم با دەگەن وي.

«مەنى قاتتى الاڭداتاتىنى وسى. بۇلاي بولعانىن قالاماپ ەدىم. مەنىمەن بىرگە پالاتادا ەكى ادام بولدى. ولارعا ۆيرۋستىڭ جۇققانىنا 0 سەنىمدىمىن، ويتكەنى ءبىز بەس كۇن بىرگە بولدىق. ول قىزداردى قازىر اۋرۋحانادان شىعارىپ جىبەردى، ءبىراق ولاردى قايتا جاتقىزاتىن شىعار، ويتكەنى ولار ۆيرۋس جۇقتىردى. سودان كەيىن مەنى باسقا پالاتاعا اۋىستىردى. وندا دا ءۇش- ءتورت ادام بولدى» ، - دەيدى الينا جانزاقوۆا.