كىرىسىن جوعالتقان ازاماتتارعا بەرىلەتىن تولەم بويىنشا بۇيرىق بۇگىن شىعادى
«بۇيرىقتا توتەنشە جاعدايلار كەزىندەگى الەۋمەتتىك تولەمدەردىڭ بەرىلۋ ەرەجەسى كورسەتىلەدى. قايتالاپ ايتامىز، بۇل تولەمدەر الەۋمەتتىك ساقتاندىرۋ مەملەكەتتىك قورىنان تولەنەدى» ، - دەدى ق ر اقپارات جانە قوعامدىق دامۋ ءمينيسترى داۋرەن ابايەۆ «حابار 24» ارناسىنداعى ونلاين رەجيمدەگى باسپا ءسوز ءماسليحاتىندا.
داۋرەن ابايەۆتىڭ ايتۋىنشا تولەم 2 ءتۇرلى بولادى. «بىرىنشىدەن، توتەنشە جاعدايعا بايلانىستى اقىسىز ەڭبەك دەمالىسىنا شىققاندارعا - ونىڭ كولەمى ايىنا 42 مىڭ تەڭگە. بۇل ۇساق، شاعىن جانە ورتا بيزنەستىڭ قىزمەتكەرلەرى بولۋى مۇمكىن. ولار كەيىنگى جىلى مەملەكەتتىك قورعا 3 رەت اۋدارىم جاساۋى كەرەك. قاجەتتى ءوتىنىمدى جۇمىسشى ەمەس، جۇمىس بەرۋشى جاسايدى. ءوتىنىمدى اۋداندىق جانە قالالىق جۇمىسپەن قامتۋ شتابتارىنا بەرۋ كەرەك. تولەمدەر توتەنشە جاعداي اياقتالعانشا جۇرەدى» ، - دەدى ول.
تولەمدەردىڭ ەكىنشى ءتۇرى - جۇمىستان شىعىپ قالعاندارعا قاتىستى. ولار تولەمدەردى 1 ايدان 6 ايعا دەيىن الادى. «تولەمدەردىڭ كولەمى ايلىقتىڭ @ قۇرايدى. ءوتىنىم بەرۋدىڭ ەش قيىندىعى جوق. جۇمىسپەن قامتۋ ورتالىعىندا جۇمىسسىز رەتىندە تىركەلىپ، ارىز بەرۋ قاجەت. ارىزدى ونلاين بەرۋگە بولادى» ، - دەدى داۋرەن ابايەۆ.