تۇركىستان قالالىق اۋرۋحاناسىنىڭ باس دارىگەرى جانبولات دىلدابەكوۆ وسىلاي دەيدى، دەپ حابارلايدى قازاقپارات.
باس دارىگەردىڭ سوزىنشە، مەملەكەت باسشىسىنىڭ كەشەگى مالىمدەمەسى حالىقتىڭ كوكەيىندەگى كوپ سۇراققا جاۋاپ بەردى.
«توتەنشە جاعدايدا ءتۇرلى سەبەپپەن جۇمىسسىز قالعان جاستاردى جۇمىسپەن قامتۋ، وسى ساتتە ەكونوميكانىڭ قۇلدىراماۋى، حالىقتىڭ بانكتەر الدىنداعى بەرەشەكتەرىنە جەڭىلدىك جاساۋ سياقتى تاپسىرمالارى - قازىرگى تاڭداعى وتە ماڭىزدى ماسەلەلەر بولىپ تۇر. اسىرەسە، «ەڭ باستىسى - حالىقتىڭ ساۋلىعى» دەپ مەديتسينا ماماندارىنىڭ ەڭبەگىنە ەرەكشە توقتالعانى قۋانتتى»، - دەيدى جانبولات دىلدابەكوۆ.
مەديتسينا مامانى نۇر-سۇلتان، الماتى قالاسى سياقتى باسقا دا ءىرى قالالاردى كارانتينگە جابۋ - وتە ورىندى شەشىم بولعانىن ايتادى.
«قازىرگىدەي الماعايىپ كەزەڭدە ءبىز بارلىق ساقتىق شارالارىن جاساۋىمىز كەرەك. وسى ورايدا، مەن بارلىق ارىپتەستەرىمىزدىڭ جانكەشتى جۇمىستارى ءۇشىن العىسىمدى ءبىلدىرىپ، بارلىق وتانداستارىمدى وسى باعىتتا جۇمىلا ارەكەت ەتۋگە شاقىرامىن. ۋاقىتشا شەكتەۋلەرگە شىدامدىلىق تانىتىپ، قاۋىپ ۇستىندە ەڭبەك ەتىپ جاتقان اق حالاتتىلارعا قولداۋ كورسەتۋ كەرەك»، - دەپ تۇيىندەدى ءسوزىن قالالىق اۋرۋحانانىڭ باس دارىگەرى.
ەسكە سالا كەتەيىك، كەشە قاسىم-جومارت توقايەۆتىڭ توراعالىعىمەن توتەنشە جاعداي جونىندەگى مەملەكەتتىك كوميسسيانىڭ وتىرىسى وتكەن ەدى. وندا پرەزيدەنت دارىگەرلەرگە العىس ايتتى.
«سىزدەرگە شىنايى العىسىمدى ايتامىن. ۇكىمەت پەن اكىمدەرگە قوسىمشا قارجى تاۋىپ، كوروناۆيرۋسقا قارسى كۇرەس جۇمىستارىنا تارتىلعان دارىگەرلەرگە، پوليتسيا قىزمەتكەرلەرىنە جانە وزگە دە ماماندارعا 1 ايلىق كولەمىندە سىياقى بەرۋدى تاپسىرامىن»، - دەدى مەملەكەت باسشىسى.