22- ناۋرىزدا قالا پروكۋراتۋراسى جانە پوليتسيا دەپارتامەنتى قىزمەتكەرلەرىنەن تۇراتىن بىرلەسكەن موبيلدى توپ جالپى مولشەرى - 900 ليتر، ءارقايسىسى 5 ليترلىك 180 دانا پلاستيكالىق ىدىسقا قۇيىلعان مەديتسينالىق پرەپارات - «انتيسەپتيكتى» زاڭسىز ساتۋ فاكتىسىن انىقتادى.
«ساتۋ ورنىن، ياعني تۇرعىن ءۇيدى قاراۋ بارىسىندا كىشىگىرىم سەح انىقتالىپ، ول جەردە 1966-جىلى تۋعان ا. م. جانە 1998-جىلى تۋعان ا. ح. اتتى ازاماتتاردىڭ انتيسەپتيك جاساۋ ماقساتىندا كونتەينەردە 9 توننا سپيرتتىك سۇيىقتىقتى زاڭسىز ساقتاعانى ايقىندالدى. زاڭسىز جاسالعان جانە ساتۋعا ارنالعان ءونىمنىڭ جالپى سوماسى - 27 ميلليون تەڭگە» دەلىنگەن حابارلامادا.
مەديتسينالىق پرەپاراتتاردى ساتۋ جانە ەتيل ءسپيرتىن اينالىمعا شىعارۋ ليتسەنزيالىق قىزمەت تۇرىنە جاتادى، سوندىقتان ق ر ق ك 214-بابىنىڭ 1-بولىگىمەن سوتقا دەيىنگى تەرگەۋ باستالدى. شۇعىل تەرگەۋ ارەكەتتەرىنەن سوڭ قىلمىستىق ءىس نۇر-سۇلتان قالاسى بويىنشا ەكونوميكالىق تەرگەۋ دەپارتامەنتىنە جولداندى.