ۆەدومستۆو مالىمەتى بويىنشا، 26 قىلمىس ءتۇرى كوپە- كورىنەۋ جالعان اقپارات تاراتۋمەن بايلانىستى. وسى ىستەر نەگىزىندە قازاقستان رەسپۋبليكاسى قىلمىستىق كودەكسىنىڭ 274-بابى بويىنشا سوتقا دەيىنگى تەرگەۋ باستالدى. «مۇنداي حابارلامالار قوعامدا نەگىزسىز ۇرەي مەن قورقىنىش تۋدىرادى. جالعان حابارلامالار الەۋمەتتىك جەلىلەر مەن مەسسەندجەرلەرگە مونيتورينگ جاساۋ بارىسىندا انىقتالادى، ال مۇنداي حابارلاردىڭ اۆتورلارى مەن تاراتۋشىلارىن پوليتسەيلەر بىردەن انىقتاپ، ءارى قاراي جاۋاپكەرشىلىككە تارتادى. الماتى، قاراعاندى جانە قىزىلوردا وبلىستارىنىڭ ءارقايسىندا وسىنداي ءتورت فاكتى تىركەلدى. ءۇش رەتتەن قوستاناي جانە تۇركىستان وبلىستارىندا ورىن الدى. اقتوبە، اقمولا، اتىراۋ جانە باتىس قازاقستان، ماڭعىستاۋ وبلىستارىندا جانە شىمكەنت قالاسىندا بىرەۋدەن انىقتالدى» دەپ حابارلايدى مينيسترلىك.
جالعان اقپارات تاراتقاندارعا، سالدارىنىڭ اۋىرلىعىنا بايلانىستى، 1000 ا ە ك مولشەرىندە ايىپپۇل سالۋدان 7 جىل مەرزىمگە باس بوستاندىعىنان ايىرۋعا دەيىنگى جازا قاراستىرىلعان. ودان بولەك، پوليسيا قىزمەتى سانيتارلىق ەرەجەلەردى ساقتاماعان ادامداردىڭ دا جازاعا تارتىلىپ جاتقانىن ايتادى.
«پوليتسيا قىزمەتكەرلەرى تاعى 4 فاكتى بويىنشا ق ر قىلمىستىق كودەكسىنىڭ 304-بابى - سانيتارلىق ەرەجەلەردى نەمەسە گيگيەنالىق نورماتيۆتەردى بۇزۋ سالدارىنان ابايسىزدا ادامداردىڭ جاپپاي اۋرۋى نەمەسە جۇقتىرۋىنا اكەپ سوقتىرۋ بويىنشا سوتقا دەيىنگى تەرگەۋ جۇرگىزۋدە. تۇركىستان وبلىسىندا اۋرۋحاناعا جەتكىزىلگەن سوڭ كارانتينگە جابىلعان جەرگىلىكتى تۇرعىن ارۋحانادان قاشىپ كەتكەنى ءۇشىن قىلمىستىق جاۋاپكەرشىلىككە تارتىلدى. نۇر- سۇلتان قالاسىندا COVID-19 قورىتىندىسى راستالعان ايەل جاقىن بايلانىس جاساعان ادامدار تۋرالى اقپارات بەرۋدەن باس تارتتى. تاعى ءبىر فاكتى 21 - ناۋرىزدا كوكشەتاۋ قالاسىندا تىركەلدى، وندا مينسكىدەن كەلگەن ازامات كارانتيندىك پروتسەدۋرادان وتۋدەن باس تارتقان» دەلىنگەن حابارلامادا.
مۇنداي قىلمىستاردى جاساعاندارعا 2000 ا ە ك مولشەرىندە ايىپپۇل سالۋدان 10 جىلعا دەيىنگى مەرزىمگە باس بوستاندىعىنان ايىرۋعا دەيىنگى جازا قاراستىرىلعان. سونداي- اق، ت ج رەجىمىن بۇزعاندار دا قاتاڭ جازاعا تارتىلۋدا. «توتەنشە جاعداي رەجىمىن بۇزعانى ءۇشىن (ق ر اكىمشىلىك قۇقىق بۇزۋشىلىق تۋرالى كودەكسىنىڭ 476-بابى) 218 ادام ۇستالدى. ونىڭ 113 ى اكىمشىلىك جاۋاپكەرشىلىككە تارتىلدى، 10 ى قاماۋعا الىندى، 91 ىنە ايىپپۇل سالىندى، 12 ءسى ەسكەرتۋ الدى، 105 ءتارتىپ بۇزۋشىعا قاتىستى ماتەريالدار سوتقا جىبەرىلدى» دەپ حابارلايدى ق ر ءى ءى م. ايتا كەتەيىك، توتەنشە جاعداي رەجيمىن بۇزۋدىڭ ەڭ كوپ سانى تۇركىستان وبلىسىندا - 26, پاۆلودار وبلىسىندا - 21, نۇر- سۇلتان قالاسىندا - 18, شىمكەنت قالاسىندا جانە اقتوبە وبلىسىندا 17 دەن تىركەلدى. سونداي- اق، كوكشەتاۋ قالاسىندا 100 دەن استام ادامنىڭ قاتىسۋىمەن بانكەت وتكىزگەنى ءۇشىن مەيرامحانا باسشىسى جاۋاپكەرشىلىككە تارتىلدى. نۇر- سۇلتان قالاسىندا ساعات 22:00 دەن كەيىن جۇمىسىن جالعاستىرعان دەمالىس ورىندارى انىقتالدى. سونىمەن قاتار، رەيدتىك جانە جەدەل ءىس- شارالار بارىسىندا ماسكالاردى زاڭسىز تىگۋدى ۇيىمداستىرۋ جانە انتيسەپتيكالىق قۇرالداردى دايىنداۋ فاكتىلەرىنىڭ جولى كەسىلدى. اتالعان بۇيىمدارعا دەگەن سۇرانىستى پايدالانا وتىرىپ، ءتارتىپ بۇزۋشىلار تۇرعىندارعا جوعارى باعامەن ساتىپ الۋدى ۇسىندى. جالپى 3700 مەديتسينالىق ماسكا جانە 4892 ليتر دەزينفەكسيالىق قۇرالدار تاركىلەندى. تىركەۋسىز جانە رۇقسات قۇجاتىنسىز كاسىپكەرلىك قىزمەتپەن اينالىسقانى ءۇشىن 6 ادام اكىمشىلىك جانە قىلمىستىق جاۋاپكەرشىلىككە تارتىلدى. قىسىلتاياڭ شاقتا حالىق سۇرانىسىنىڭ ارقاسىندا قىرۋار پايداعا كەنەلمەك بولعاندار دا جوق ەمەس: «الماتى وبلىسىنىڭ جەرگىلىكتى تۇرعىنى 500000 مەديتسينالىق ماسكانى ساتپاق بولعان. پوليتسيا قىزمەتكەرلەرى زاڭسىز قىزمەتتىڭ جولىن كەستى، وسىلايشا جاساندى تاپشىلىق جاساۋ جانە الىپساتارلىق جولمەن باعانى ءوسىرۋدىڭ الدىن الدى» .
قازاقستان رەسپۋبليكاسىنىڭ ىشكى ىستەر مينيسترلىگى ازاماتتاردى زاڭداردى ساقتاۋعا، رەسمي اقپارات كوزدەرىنە سەنۋگە جانە كەز كەلگەن قۇقىق بۇزۋشىلىق جاۋاپكەرشىلىككە اكەپ سوقتىراتىنىن ەستە ۇستاۋعا شاقىرادى. ق ر ا ق ب ت ك 57-بابى 9-تارماقشاسىنىڭ تالاپتارىنا سايكەس تابيعي اپات نەمەسە باسقا دا توتەنشە جاعدايلار كەزىندە اكىمشىلىك قۇقىق بۇزۋشىلىق جاساۋ اكىمشىلىك قۇقىق بۇزۋشىلىق ءۇشىن جاۋاپتىلىقتى اۋىرلاتادى.