قازاقستاندا «كارانتيندەگى جۇلدىز» اتتى جاڭا جوبا باستالادى
«قازاقستاندىق مادەنيەت جانە سپورت ۇيىمدارى جاريالانعان كارانتين جاعدايىندا كورەرمەندەر مەن جانكۇيەرلەردەن الىستاماي، ونلاين- كەڭىستىكتى قارقىندى يگەرۋدە. مادەني ءىس- شارالاردى وتكىزۋگە قويىلعان ۋاقىتشا شەكتەۋلەر ارتىستەر ءۇشىن جاڭا مۇمكىندىكتەرگە جول اشتى. كارانتين كەزىندە ادامداردىڭ باسىم كوپشىلىگى الەۋمەتتىك جەلىلەردى بەلسەندى پايدالاناتىنىن ەسكەرە كەلە، ونەردىڭ قولجەتىمدىلىگىن بارشاعا قامتاماسىز ەتۋ ماقساتىندا ق ر مادەنيەت جانە سپورت مينيسترلىگى جانە «قازاقتەلەكوم» ا ق Live فورماتىنداعى «كارانتيندەگى جۇلدىز» اتتى جاڭا جوبانى باستايدى» ، - دەپ اتاپ وتەدى مينيسترلىكتەن.
ۆەدومستۆو مالىمەتىنشە، جۋىردا قازاقستاندىق ارتىستەر ونلاين فورماتتا «قازاقتەلەكوم» ا ق- نىڭ telecomkz YouTube ارناسى ارقىلى وزدەرىنىڭ ونلاين- كونسەرتتەرىن ۇسىنادى. سونداي- اق بۇل كونسەرتتەر ق ر مادەنيەت جانە سپورت مينيسترلىگىنىڭ Facebook جانە قازاقكونسەرتتىڭ @qazaqconcert Youtube پاراقشالارىندا قايتالانادى. ونەر سۇيەر قاۋىم ءار ءتۇرلى باعىتتاعى - فولكلورلىق، ەسترادالىق، كلاسسيكالىق جانە اسپاپتىق كونسەرتتەردى تاماشالايدى. كونسەرت بارىسىندا تىڭدارماندار ونەر جۇلدىزدارىمەن تىكەلەي سۇحباتتاسىپ، وي- پىكىرلەرىن بىلدىرە الادى. كونسەرتتەر تەگىن ءارى بارشاعا قولجەتىمدى بولماق. جوبانىڭ العاشقى ونلاين- كونسەرتى بۇگىن، 23 - ناۋرىز كۇنى ساعات 21:00 دە تەlecomkz YouTube ارناسىنان كورسەتىلەدى. بۇل كەشتە قوڭىر داۋسىمەن، جۇرەككە جىلى ۇنىمەن، اسەم اۋەندى اندەرىمەن كورەرمەننىڭ ىقىلاسىنا بولەنگەن ونەر يەسى جۇبانىش جەكسەن ۇلى ونەر كورسەتەدى.