ەلوردادا تاعى ەكى قوناق ۇيدە ۋاقىتشا ستاتسيونار جابدىقتالۋى مۇمكىن

بۇل تۋرالى نۇر-سۇلتان قالالىق قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا ايتتى، دەپ حابارلايدى قازاقپارات.

«كوروناۆيرۋس ينفەكتسياسىنىڭ الدىن الۋ جانە تارالۋىن ەسكەرتۋ ماقساتىندا ەپيدەمياعا قارسى شارالاردى ەنگىزۋ تۋرالى شەشىم قابىلدانعان بولاتىن. وسىعان بايلانىستى نۇر-سۇلتان قالاسىندا جالپى 1051 توسەكتىك ستاتسيونار ورنالاستىرىلدى. اۋرۋحانالاردا 44 رەانيماتسيالىق توسەك پەن 173 جاساندى تىنىس الدىرۋ اپپاراتى بار»، - دەدى باسقارما باسشىسى قالا اكىمدىگىندە وتكەن ونلاين- بريفينگتە.

ونىڭ ايتۋىنشا، «رامادا پلازا» قوناق ءۇي كەشەنىندە (800 ورىنعا ارنالعان) جوندەۋ جۇمىستارى اياقتالدى.

«بۇگىن كەرەۋەت (500 دانا) پەن توسەك-ورىن جەتكىزىلەدى. سونداي-اق «تۋريست» جانە «الاۋ» قوناق ۇيلەرىمەن كەلىسىمشارت جاساۋ جۇمىستارى باستالدى»، - دەدى س. قيسىقوۆا.

بۇعان دەيىن ساۋلە قيسىقوۆا 20- ناۋرىز كۇنى كوروناۆيرۋس ينفەكتسياسى انىقتالعان 3 ناۋقاستىڭ جاي-كۇيىن ايتىپ بەردى. ءتورت ايلىق نارەستەسى بار وتباسى 19- ناۋرىزدا پاريج-مينسك-نۇر-سۇلتان رەيسىنەن ءتۇسىرىلىپ، اۋرۋحاناعا جەتكىزىلگەن.

21- ناۋرىزدا ساعات 08.00 دەگى جاعداي بويىنشا ەلوردا اۋرۋحانالارىندا بارلىعى 645 ادام جاتىر، ونىڭ 62 ءسى - بالالار. وسى ۋاقىتقا دەيىن ينفەكتسيانى جۇقتىرعان: نۇر- سۇلتان قالاسىندا - 28 ادام، الماتى قالاسىندا - 22 ادام، قاراعاندى قالاسىندا - 2، تالدىقورعان قالاسىندا - 1 ادام، جالپى 53 ناۋقاستىركەلدى.