«سوڭعى اقپارات بويىنشا، كوروناۆيرۋس تالدىقورعاندا تىركەلدى دەگەن حابارلاما تارالىپ جاتىر. الماتى وبلىسىندا اتالعان ۆيرۋس ءبىر ادامنان انىقتالدى. ءبىراق بۇل جاعداي تالدىقورعاندا ەمەس، قاراساي اۋدانىندا تىركەلدى. قازىر 1986-جىلعى ناۋقاس قاسكەلەڭدەگى ينفەكتسيالىق اۋرۋحانادا جاتىر. جاعدايى تۇراقتى. قازىر ۆيرۋس جۇقتىرعان اداممەن قارىم-قاتىناستا بولعانداردىڭ بارلىعى انىقتالدى. ءتيىستى شارالار اتقارىلۋدا. ال كوروناۆيرۋس جۇقتىرعان ادام بىزدەگى مالىمەت بويىنشا مەككەدەن ىستانبۇل ارقىلى ۇشىپ كەلگەن»، - دەدى وبلىس اكىمىنىڭ باسپا ءسوز قىزمەتىنىڭ جەتەكشىسى عالىمۇرات جۇكەل.
ايتا كەتەيىك، بۇعان دەيىن ق ر دەنساۋلىق ساقتاۋ مينيسترلىگى الماتى وبلىسىنىڭ تالدىقورعان قالاسىندا كوروناۆيرۋس جۇقتىرۋدىڭ 1 وقيعاسى تىركەلگەنىن حابارلاعان بولاتىن. وسى ۋاقىتتا ىندەتكە شالدىققاندار سانى ەل بويىنشا 53 ادامعا جەتتى.