بۇل تۋرالى « اتامەكەن» ۇ ك پ باسقارماسى ءتوراعاسىنىڭ ورىنباسارى ولجاس وردابايەۆ ايتتى، دەپ حابارلايدى قازاقپارات ءتىلشىسى.
« قازىرگى ۋاقىتتا بيزنەس تاپ بولىپ وتىرعان بارلىق پروبلەمالاردى بارىنشا جەدەل ءارى ناقتى قاداعالاۋعا تىرىسىپ جاتىرمىز. بۇگىندە 6 مىڭنان استام كاسىپكەر بۇگىندى، كولل- ورتالىق جۇمىس ىستەپ تۇر. ونلاين- ساۋالناما ىسكە قوستىق. بىزگە جۇگىنگەن كاسىپكەرلەردىڭ جارتىسى نۇر- سۇلتان مەن الماتى قالاسىنان. سەبەبى نەگىزگى بيزنەس ءدال وسى قالالارعا شوعىرلانعان. جۇگىنۋشىلەردىڭ 85 پايىزىن ميكرو جانە شاعىن بيزنەس وكىلدەرى قۇرايدى. ماسەلەن، قىزمەت كورسەتۋ سالاسى، تۋريستىك وپەراتورلار. فيرمالار دا قيىندىقتى باستان كەشىرۋدە. ولاردى دا پروبلەماسى جەتكىلىكتى بولعانىمەن بىرتىندەپ شەشىپ جاتىرمىز»، - دەدى ول ونلاين بريفينگ بارىسىندا.
ونىڭ اتاپ وتۋىنشە، جۇگىنگەن كاسىپكەرلەردىڭ 55 پايىزى تولەم مىندەتتەمەلەرىنە، ونىڭ ىشىندە ءۇي- جايدى جالداۋ ماسەلەسىنە قاتىستى تۇيتكىلدەردى كوتەرگەن.
« دۇيسەنبىدەن باستاپ ءبىزدىڭ وڭىرلىك پالاتالاردىڭ بازاسىندا اكىمدىكتەرمەن بىرگە جالعا الۋشى مەن جالعا بەرۋشىلەر اراسىنداعى قارىم- قاتىناستى رەتتەۋ ءۇشىن شتاب قۇرامىز. بۇل كاسىپكەرلىك قىزمەتتىڭ ەكى بولەك سۋبەكتىسى ەكەندىگىن تۇسىنەمىز. دەگەنمەن، جالعا الۋشىلاردى قيىن جاعدايدان شىعۋعا كومەكتەسۋگە تىرىسامىز. بارلىق ساۋدا ويىن- ساۋىق ورتالىقتارىنداعى، بيزنەس ورتالىقتارداعى ءىرى جالعا بەرۋشىلەردى ىندەت، كارانتين كەزىندە جالداۋ تولەمىن ەستەپتەۋدى توقتاتا تۇرۋعا شاقىرامىز. جالعا بەرۋشىلەردىڭ سالىق پەن نەسيەمەن بايلانىستى مىندەتتەمەلەرى بار ەكەندىگىن دە تۇسىنەمىز. قازىرگى ۋاقىتتا بانكتەر ءوسىمپۇلدار مەن ايىپپۇلداردى ەسەپتەۋىن، توتەنشە جاعداي كەزىندە نەسيە مىندەتتەمەسى بويىنشا تولەمدەردى توقتاتادى»، - دەدى ولجاس وردابايەۆ.
اۆتور: مارلان جيەمباي