«الماتىدا تاعى 3 ادام كوروناۆيرۋس جۇقتىرعانى انىقتالدى. قازىر جۇقپالى اۋرۋلار اۋرۋحاناسىندا ك ۆ ي راستالعان 22 پاتسيەنت بار. بۇگىن جاتقىزىلعان 3 ادامنىڭ ءبىرى - ايەل ادام شەتەلدەن كەلگەن ازاماتتارمەن بايلانىستا بولعان. قۇرعاق جوتەل، تاماق قىرىلداۋى، كەۋدە اۋىرىپ، قۇلاقتىڭ بىتەلۋى سياقتى سيمپتومدار بولعان سوڭ ودان 18-ناۋرىزدا تەست الىنعان بولاتىن. بۇگىن تەست ناتيجەسى راستالدى. ەكىنشى پاتسيەنت - بەرلين- الماتى چارتەرلىك رەيسىنىڭ بورتسەرىگى. 12-ناۋرىزدان ۇشىپ كەلگەن كۇننەن باستاپ جۇقپالى اۋرۋلار اۋرۋحاناسىندا كارانتيندە بولدى. ءۇشىنشى پاتسيەنت - 1997 -جىلى تۋعان ەر ادام 19-ناۋرىزدا پاريج- مينسك- الماتى رەيسىمەن ۇشىپ كەلگەن. قازىر تەست كورسەتكىشى راستالعان سوڭ ول پروۆيزورلىق كلينيكادان قالالىق جۇقپالى اۋرۋلار اۋرۋحاناسىنا اۋىستىرىلدى»، - دەدى ت. ابىلدايەۆ.
ونىڭ ايتۋىنشا، قازىر 20 ناۋقاستىڭ جاعدايى ويداعىداي. «ولاردىڭ بارلىعىنىڭ دەنساۋلىعى جاقسارا باستاعان. دەنە قىزۋى ءتۇستى. 2 ادامنىڭ جاعدايى ورتاشا اۋىر دەپ باعالانىپ وتىر»، - دەدى ول. بۇگىندە قالانىڭ پروۆيزورلىق ەمحانالارىندا 696 ادام جاتىر. ءۇي كارانتينىندە 1108 ادام وقشاۋلانعان.
اۆتور: گۇلميرا عوسمانالي