بۇل تۋرالى ازاماتتىق ورتالىقتىڭ ديرەكتورى ايگەرىم دوسقاليەۆا حابارلادى. «كەشە ءبىر كۇندە
600 گە جۋىق مەديتسينالىق ماسكا دايىندالدى. ماسكانى تىگۋگە 22 كاسىپكەر قۇلشىنىس ءبىلدىردى. ولاردىڭ اراسىندا «ىسكەر انا» جوباسىمەن سەرتيفيكات الىپ، ۇيىندە تىگىنشىلىك ىسپەن اينالىساتىن انالار دا بار. باستاپقىدا مەديتسينالىق ماسكانى تۇرعىنداردىڭ وسال توپتارى ءۇشىن دايىنداۋدى ويلاستىرعان ەدىك. الايدا، وزگە دە تۇرعىندار ساتىپ الۋعا نيەت تانىتتى. سول سەبەپتەن، مەديتسينالىق ماسكانى ساتۋعا شىعاردىق» - دەدى ايگەرىم دوسقاليەۆا.
ونىڭ ايتۋىنشا، ەرىكتىلەر دايىنداعان ماسكانى ءۇش ساعاتتان سوڭ جۋىپ، ۇتىكتەپ، قايتا پايدالانۋعا بولادى. ەرىكتىلەر ماسكانىڭ ءبىر بولىگىن تۇرمىسى تومەندەر وتباسىلارعا تەگىن تاراتۋدى كوزدەپ وتىر. سونداي-اق، ازاماتتىق ورتالىققا بىرنەشە كاسىپورىن قىزمەتكەرلەرى ءۇشىن مەديتسينالىق ماسكا تىگۋگە تاپسىرىس بەرگەن.