بۇل تۋرالى ورتالىق كوممۋنيكاتسيالار قىزمەتىنىڭ الاڭىندا وتكەن بريفينگتە نۇر-سۇلتان قالاسى اكىمىنىڭ ورىنباسارى باحتيار ماكەن ايتتى، دەپ حابارلايدى قازاقپارات ءتىلشىسى.
«وسىنداي جانە باسقا دا جاعدايلارعا قاتىستى قالا تۇرعىندارى اكىمدىكتىڭ call-ورتالىعىنا 109 ءنومىرى بويىنشا حابارلاسا الادى. قالاداعى Led-ەكرانداردا كوروناۆيرۋس بويىنشا قايدا حابارلاسۋعا بولاتىنى جازىلعان حابارلاندىرۋلار كورسەتىپ جاتىرمىز»، - دەيدى نۇر-سۇلتان قالاسى اكىمىنىڭ ورىنباسارى باحتيار ماكەن. ونىڭ ايتۋىنشا، كوروناۆيرۋس ينفەكتسياسىنىڭ تارالۋى جانە وعان قاتىستى ەسكەرتۋ بويىنشا شارالار كۇشەيتىلىپ جاتىر.
«كوروناۆيرۋس ينفەكتسياسىنىڭ تارالۋى جانە وعان قاتىستى ەسكەرتۋ بويىنشا ايماقتىق جەدەل شتاب قۇرىلىپ، جۇمىس ىستەۋدە. توتەنشە جاعدايلاردى جويۋ جونىندەگى شتاب باستىعىنىڭ شەشىمى بار: ولار كارانتين جاعدايىندا تۇرعىندار مەن شارۋاشىلىق سۋبەكتىلەردىڭ ءتارتىبىن رەتتەيدى»، - دەيدى ول.