بۇل تۋرالى سارسەنبى كۇنى كەشكە گ ف ر كولىك ءمينيسترى اندرەاس شويەر مالىمدەدى، دەپ حابارلايدى قازاقپارات ءتىلشىسى.
«ءبىز بۇگىن حالىقتى ىندەتتەن قورعاۋ ءۇشىن تاعى ءبىر قادامعا بارامىز: ە و ەلدەرىنەن كەلەتىن ساياحاتتاۋشىلارعا شەكتەۋدى ۇلعايتامىز. بۇل شەكتەۋ گەرمانياعا ۇشاقپەن، پويىزبەن، تەمىر جول جەلىسىمەن جانە سۋ جولدارىمەن ساپارلايتىن بارلىق ساياحاتشىلارعا قاتىستى»، - دەدى شويەر.
ءمينيستردىڭ ايتۋىنشا، جۇك تاسىمالى جانە دەنساۋلىق ساقتاۋ سالاسىنىڭ، شۇعىل قىزمەت سالاسىنىڭ قىزمەتكەرلەرى ءالى دە ەلگە كىرە الادى.
مالىمەتكە ساي، ەل بيلىگى شەتەلدىك ازاماتتاردان اسا شۇعىل بولماسا، گەرمانياعا ساپارىن كەيىنگە قالدىرۋدى سۇراعان.