مالىمەتكە ساي، بلوك پوستتار تالاپكەر، قاراوتكەل (يلينكا)، قوياندى، قوسشى، جىبەك- جولى ەلدى مەكەندەرى مەن « نۇر- سۇلتان- پەتروپاۆل» اۆتوجولى ۋچاسكەسىندە ورنالاسقان.
سونداي- اق، اقمولا وبلىسىنىڭ اكىمدىگى شۇبار اۋىلىنىڭ اۋدانىندا بلوك پوست ورناتتى. سونداي- اق، تالاپكەر، قاراوتكەل (يلينكا)، قوياندى، قوسشى، جىبەك- جولى ەلدى مەكەندەرىنىڭ تۇرعىندارى قالاعا ەش كەدەرگىسىز كىرىپ- شىعا الادى. ولارعا جۇمىس ورنىنان انىقتاما قاعاز نەمەسە مەكەنجاي تىركەلىمىن راستايتىن قۇجات قاجەت ەمەس. بۇل ەلدى مەكەندەر كارانتيندىك ايماقتىڭ شەكاراسىنا ەنگىزىلدى.
«بلوك پوستاردا باقىلاۋ ايماقتارى، پالاتكالار جانە قىزمەت كورسەتۋ پۋنكتتەرى ورناتىلادى. 19- ناۋرىز كۇنى ساعات 00:00-دەن باستاپ ەلوردادا كارانتين رەجيمى ەنگىزىلەدى. قالادا جەدەل شتاب جۇمىس ىستەيدى، كوروناۆيرۋستىق ينفەكتسيا انىقتالعان كەزدە ءىس- قيمىل الگوريتمى ازىرلەندى. ازاماتتاردى رەتسىز ۇيدەن شىقپاۋعا، بارلىق قاۋىپسىزدىك شارالارىن ساقتاۋعا شاقىرامىز» دەلىنگەن حابارلامادا.
اۆتور: ەربول جانات