دەنساۋلىق ساقتاۋ ءمينيسترى ەلجان ءبىرتانوۆتىڭ قازاقستاندىقتار كوروناۆيرۋستى جۇقتىرعانى راستالعان جاعدايلارى تۋرالى مالىمدەمەسىنەن كەيىن حالىق اراسىندا الاڭداۋشىلىق ايتارلىقتاي ءوستى. بۇرىن الەۋمەتتىك مەديتسينالىق ساقتاندىرۋ قورىنىڭ ءبىرىڭعاي بايلانىس ورتالىعىنا كۇنىنە شامامەن 1500-2000 قوڭىراۋ كەلىپ تۇسەتىن بولسا، ال قازىر ولاردىڭ سانى 3 ەسە ارتتى - كۇنىنە 6 مىڭعا دەيىن. وسىنداي ماڭىزدى كەزەڭدە اعزاڭىزدى مۇمكىن بولىپ قالاتىن جۇقتىرۋدان ساقتانۋ جانە الدىن- الۋ ءۇشىن بارلىق شارالاردى قابىلداۋ قاجەت. 1406 بايلانىس ورتالىعىنىڭ وپەراتورلارى حالىققا دەنساۋلىعىن نىعايتۋ جانە ءوزىنىڭ اعزاسىن قورعاۋ، كۇدىكتى سيمپتومدار بايقالعاندا ارەكەتتەر جاساۋ بويىنشا كەڭەس بەرۋ دايندىعىنان ءوتتى.
«بايلانىس ورتالىعى قاجەتتى الدىن- الۋ شارالارى جانە ۆيرۋستان قورعانۋ بويىنشا كەڭەس بەرۋ ءۇشىن جۇمىس ىستەيدى. وپەراتورلار سونىمەن بىرگە سىرقاتتالىپ قالعان كەزدە قايدا بارۋ كەرەكتىگىن، قانداي سيمپتومدارعا نازار اۋدارۋ كەرەكتىگىن، قايدا تالداۋلاردى (اناليزدەردى) تاپسىرۋعا بولاتىندىعىن تۇسىندىرەدى. ۇكىمەت پەن ۋاكىلەتتى ورگاندار قابىلداپ جاتقان شارالار حالىقتى قورعاۋعا باعىتتالعان. الايدا، قوعامدىق ورىندارعا بارۋ دەنساۋلىققا قاۋىپ توندىرەدى ەكەنىن سانالى ازاماتتار ءتۇسىنۋى كەرەك» ، - دەيدى الەۋمەتتىك مەديتسينالىق ساقتاندىرۋ قورىنىڭ باسپا ءسوز قىزمەتى. ەستەرىڭىزگە سالا كەتەيىك، ءوز سۇراقتارىڭىزدى 1406 وپەراتورلارىنا Qoldau 24/7 ءموبيلدى قوسىمشاسى ارقىلى دا جولداۋىڭىزعا بولادى. جولدانىمعا تىركەۋ ءنومىرى بەرىلەدى، سودان كەيىن ءسىز ءوزىڭىزدىڭ جەكە كابينەتىڭىزدە ونىڭ مارتەبەسىن تەكسەرە الاسىز.