بۇل تۋرالى ونلاين بريفينگ بارىسىندا قالا اكىمىنىڭ ورىنباسارى ساپاربەك تۇياقبايەۆ ايتتى، دەپ حابارلايدى قازاقپارات ءتىلشىسى.
«قازىر قالا اكىمدىگى ءۇشىن ەڭ باسىم باعىتتاردىڭ ءبىرى - جۇمىس ورىندارىن ساقتاپ قالۋ. كوپ جۇمىس ورىندارىنىڭ قىزمەتكەرلەرى وبلىستان قاتىنايدى. ەگەر جۇمىس بەرۋشىدە مۇمكىندىك بولسا، ولاردى 1 ايعا اقىلى دەمالىسقا جىبەرۋ كەرەك. ەگەر وعان مۇمكىندىك بولماسا، جۇمىسكەرلەرگە الماتىدان ۋاقىتشا ورىن تاۋىپ، ورنالاستىرۋ كەرەك. قازىر جاتاقحانا، حوستەل، قوناق ۇيلەر بوساپ جاتىر. كارانتين كەزىندە وبلىستان قاتىنايتىن قىزمەتكەرلەرگە ارنايى رۇقسات بەرىلمەيدى. جۇمىس بەرۋشىلەر قازىردەن باستاپ تۇنگى 24.00 دەيىن وسى ماسەلەنى شەشۋى ءتيىس»، - دەدى س. تۇياقبايەۆ.