بۇل تۋرالى جامبىل وبلىستىق پوليتسيا دەپارتامەنتىنىڭ باسپا ءسوز قىزمەتى حابارلادى.
«WhatsApp» مەسسەندجەرىندە «تارازعا ماسكەۋدەن ۇشىپ كەلگەن ۇشاقتاعى ايەلدەن كوروناۆيرۋس تابىلدى»، سونداي-اق «التىنشى شاعىن اۋداندا ءبىر وتباسىنىڭ 6 بالاسىمەن كارانتينگە قاماپ قويىپتى» دەگەن اقپاراتتاردىڭ شىندىققا جاناسپايتىنىن حابارلايمىز»، دەلىنگەن ۆەدومستۆو مالىمدەمەسىندە.
سونداي-اق، پوليتسيا دەپارتامەنتى ازاماتتاردى جالعان حابارلامالاردى تاراتپاۋعا جانە تەك رەسمي اقپاراتقا سەنۋگە شاقىردى.
«جالعان اقپاراتتى، ونىڭ ىشىندە الەۋمەتتىك جەلىلەر مەن مەسسەندجەرلەر ارقىلى تاراتقانى ءۇشىن قىلمىستىق جاۋاپكەرشىلىك زاڭمەن بەلگىلەنگەنىن ەسكەرتەمىز. ق ر قىلمىستىق كودەكسىنىڭ 274-بابى 2-بولىگىنە سايكەس «بۇقارالىق اقپارات قۇرالدارى جانە اقپاراتتىق-كوممۋنيكاتسيالىق جەلىلەر ارقىلى كورىنەۋ جالعان اقپارات تاراتۋ» ءۇش مىڭ ايلىق ەسەپتىك كورسەتكىشكە دەيىنگى مولشەردە ايىپپۇل سالۋعا نەمەسە سول مولشەردە تۇزەۋ جۇمىستارىنا نەمەسە 800 ساعاتقا دەيىنگى مەرزىمگە قوعامدىق جۇمىستارعا تارتۋعا بولماسا ءۇش جىلعا دەيىنگى مەرزىمگە باس بوستاندىعىن شەكتەۋگە، سونداي-اق، سول مەرزىمگە باس بوستاندىعىنان ايىرۋعا جازالانادى»، - دەيدى پ د جازباسىندا.