حالىقارالىق باعىت- باعدار بويىنشا جۇك تاسىپ جۇرگەن كولىك جۇرگىزۋشىلەرى قازاقستانعا كىرە الا ما؟
بۇل سۇراقتاردىڭ جاۋابىن ق ر ۇلتتىق قاۋىپسىزدىك كوميتەتى بەردى، دەپ حابارلايدى قازاقپارات ءتىلشىسى.
«ق ر ۇ ق ك شەكارالىق قىزمەتىنىڭ اقپاراتىنا سايكەس، قازاقستاندا توتەنشە جاعدايدىڭ ەنگىزىلۋىنە بايلانىستى ەلدەن شىعۋ بويىنشا شەكتەۋ شەتەلگە ەمدەلۋگە باراتىن ازاماتتار ءۇشىن قولدانىلمايدى. ول ءۇشىن ازاماتتا دەنساۋلىق ساقتاۋ مەكەمەسىنەن راستايتىن قۇجات بولۋى كەرەك»، - دەپ حابارلادى ق ر ۇلتتىق قاۋىپسىزدىك كوميتەتىنىڭ باسپا ءسوز قىزمەتىنەن.
شەتەلگە ەمدەلۋگە كەتىپ بارا جاتقان ازاماتتا قازاقستاننان شىعۋ ءۇشىن مىناداي قۇجاتتار بولۋى ءتيىس: دەنساۋلىق ساقتاۋ مينيسترلىگىنىڭ بۇيرىعىنا سايكەس 035-1/ۋ فورماسىنداعى دارىگەرلىك- كونسۋلتاتسيالىق كوميسسيانىڭ قورىتىندىسى، شەتەلدىك مەديتسينالىق ۇيىمنىڭ شاقىرتۋ قاعازى (نوتاريالدىق كۋالاندىرىلعان اۋدارمامەن بىرگە).
«سونىمەن قاتار شەت مەملەكەتتەردە تۇرۋعا ىقتيارحاتى بار قازاقستان رەسپۋبليكاسىنىڭ ازاماتتارى، قازاقستاننىڭ رەسمي دەلەگاتسيالارىنىڭ مۇشەلەرى»، - دەپ حابارلايدى كوميتەتتەن.
سونىمەن قاتار ۇلتتىق قاۋىپسىزدىك كوميتەتى حالىقارالىق جۇك تاسىمالىن جۇرگىزەتىن اۆتوكولىكتەردىڭ جۇرگىزۋشىلەرى كەلەسى جاعدايدا مەملەكەتتىك شەكارادان وتە الاتىنىن حابارلايدى.
1. اۆتوكولىك قۇرالدارىمەن حالىقارالىق باعىت- باعدار بويىنشا جۇك تاسىمالى كارانتيندىك جانە سانيتارلىق- ەپيدەميولوگيالىق نورمالاردىڭ ساقتالۋىمەن جۇرگىزىلۋى كەرەك.
2. ازاماتتىعىنا قاراماستان جۇرگىزۋشىلەر مەملەكەتتىك شەكارانى كەسىپ ءوتۋ ءۇشىن شەتەلدىك تولۇجاتپەن ءجۇرۋى ءتيىس.
3. قازاقستان رەسپۋبليكاسىنا كىرۋ ءۇشىن وتكىزۋ پۋنكتىنە كەلگەننەن كەيىن 1ا) جانە 1ب) ساناتىنداعى مەملەكەتتەن كەلگەن جۇرگىزۋشىلەر، سونىمەن قاتار سوڭعى 30 تاۋلىكتىڭ ىشىندە 1ا) جانە 1ب) ساناتىنداعى مەملەكەتتىك بولىپ كەلگەن شەتەلدىك جۇرگىزۋشىلەر شەكاراعا جۇرگىزۋشىنىڭ اۋىستىرىلۋىمەن عانا جۇك كولىكتەرى كارانتيندىك جانە سانيتارلىق- ەپيدەميولوگيالىق نورمالاردىڭ ساقتالۋىمەن نەمەسە قازاقستاندىق تياگاچتىڭ اۋىستىرىلۋىمەن كىرگىزىلەدى.
ايتا كەتسەك بۇعان دەيىن قازاقستاندا جۇك كولىكتەرىن وتكىزەتىن بەكەتتەر بەلگىلەنگەنى حابارلانعان بولاتىن. قازاقستاندا توتەنشە جاعدايدىڭ جاريالانۋىنا بايلانىستى شەكارا قىزمەتى قازاقستان جانە شەتەل ازاماتتارى، سونداي- اق سىرتقى ەكونوميكالىق سالاعا قاتىسۋشىلار ءۇشىن مەملەكەتتىك شەكارا ارقىلى كىرۋ جانە شىعۋعا قويىلعان شەكتەۋلەر تۋرالى ماڭىزدى مالىمەتتى جاريالاعان ەدى.
اۆتور: ايان بەكەن ۇلى