«ازاماتتاردىڭ قاۋىپسىزدىگىن قامتاماسىز ەتۋ ماقساتىندا كارانتين ەنگىزۋدى ۇسىندىق. بۇگىن پرەمەر- ءمينيستردىڭ توراعالىعىمەن مەملەكەتتىك كوميسسيانىڭ وتىرىسى ءوتتى. كوميسسيا وتىرىسىنىڭ قورىتىندىسىنا سايكەس، 2020 -جىلدىڭ 19 - ناۋرىزىندا ساعات 00-00 دەن باستاپ ەلوردا اۋماعىدا كارانتين ەنگىزۋ تۋرالى شەشىم قابىلداندى. بۇل دەگەنىمىز شەكتەۋ مەن باقىلاۋ شارالارى قاۋىپسىزدىك ماقساتىندا كۇشەيتىلەدى. مىسالى، اۆتوۆوكزالداردا قالاارالىق اۆتوبۋستاردىڭ قوزعالىسىنا تىيىم سالىندى» ، - دەدى التاي كولگىنوۆ.
ونىڭ ايتۋىنشا، ەلوردا اۋماعىنا كىرىپ- شىعاتىن جەرلەردە شەكتەۋ قويىلادى. كولىكتىڭ بارلىق تۇرلەرى كىرىپ- شىعاتىن جەرلەردە كوروناۆيرۋستىق ينفەكسياعا كۇدىكتى نەمەسە جۇقتىرعان ادامداردى انىقتاۋعا ارنالعان قوسىمشا بەكەتتەر ورناتىلادى.
«كارانتين مەن كومەندانتتىق ساعاتتى شاتاستىرماۋعا شاقىرامىز. سەبەبى، كارانتين - ول شەكتەۋ قويۋ. ياعني، ازاماتتار قاجەت بولماعان جاعدايدا ادامدار كوپ شوعىرلانعان جەرلەرگە بارۋىنا شەكتەۋ قويىلادى. ەڭ الدىمەن تارتىپكە، ودان كەيىن ءبىزدىڭ نۇسقاۋلارىمىزدى، دەنساۋلىق ساقتاۋ ءمينيسترىنىڭ نۇسقاۋىن قاتاڭ ۇستانۋعا شاقىرامىز» ، - دەدى ول.