بۇل تۋرالى نۇر- سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا ايتتى. «جرۆي- مەن ەلوردادا ستاتسيوناردا جاتقان ايەلدىڭ وتباسىنداعى ءبىر ادام گەرمانيادان كەلگەن بولاتىن. بايلانىسقان ادامدار رەتىندە ونى باقىلاۋعا الدىق. 16 - ناۋرىز كۇنى ايەلدىڭ بويىنان كلينيكالىق بەلگىلەر بايقالعاندا، بىردەن اۋرۋحاناعا جاتقىزىلىپ، تەكسەرىلدى. بۇگىن كوروناۆيرۋستىق ينفەكسيا انىقتالدى» ، - دەدى باسقارما باسشىسى ورتالىق كوممۋنيكاتسيالار قىزمەتىندەگى بريفينگتە ال وڭتۇستىك كورەيا مەن يتاليادان كەلگەن 4 قازاقستاندىق تا 16 - ناۋرىزدا رەيستەن ءتۇسىرىلىپ، وقشاۋلانعان. ەندى ولارمەن بايلانىسقان ادامداردىڭ ءتىزىمى جاسالۋدا.
«قازىرگى ۋاقىتتا ەپيدەميولوگيالىق شارالار جۇرگىزىپ جاتىرمىز. ياعني، ناۋقاستارمەن بايلانىسقان ادامداردى انىقتايمىز. كەيىنىرەك، بايلانىستا بولعان ادامداردىڭ سانىن، جاسى مەن جىنىسىن تولىق حابارلايمىز» ، - دەدى س. قيسىقوۆا. ونىڭ ايتۋىنشا، 14 ادامنىڭ بەسەۋى قالاداعى ينفەكسيالىق بلوكتىڭ ستاتسيونارىندا جاتقان. قالعان 9 ادام دا بۇگىن اۋرۋحاناعا جاتقىزىلدى.
«ولاردىڭ بارلىعى - قازاقستان رەسپۋبليكاسىنىڭ ازاماتتارى. 5 ادام ەلىمىزدىڭ وزگە وڭىرلەرىنىڭ تۇرعىندارى، ءبىر ادام - نۇر- سۇلتاندا ۋاقىتشا تۇرىپ جاتقان، قالعانى - ەلوردا تۇرعىندارى» ، - دەدى س. قيسىقوۆا.