«Whatsap توپتارىندا تاراعان ساعات 23: 00 مەن تاڭعى ساعات 5: 00 ارالىعىندا نۇر- سۇلتان قالاسىندا زارارسىزداندىرۋ ءۇشىن تىكۇشاقپەن ءدارى شاشىلادى جانە ازاماتتاردان تەرەزە مەن بالكونداردى اشۋعا، سونىمەن قاتار كوشەدەن 23: 00-دەن كەيىن شىعۋعا تىيىم سالىنادى دەلىنگەن اقپارات جالعان. قاساقانا جالعان اقپارات تاراتقانى ءۇشىن ق ر زاڭناماسىندا قىلمىستىق جاۋاپكەرشىلىك كوزدەلگەنىن ەسكە سالامىز. ازاماتتاردى تەك رەسمي حابارلارعا سەنىپ، شىندىققا جاناسپايتىن وسەك پەن اقپاراتتى تاراتپاۋعا شاقىرامىز» ، - دەپ اتاپ وتەدى كوميتەتتەن.
ۆەدومستۆو مالىمەتىنشە، قازاقستاندا جانە الەمدە كوروناۆيرۋس ينفەكسياسىنىڭ تارالۋىنا قاتىستى سەنىمدى اقپاراتتتار ق ر دەنساۋلىق ساقتاۋ مينيسترلىگىنىڭ، ق ر د س م تاۋارلار مەن قىزمەتتەردىڭ ساپاسىن جانە قاۋىپسىزدىگىن باقىلاۋ كوميتەتىنىڭ رەسمي سايتتارىنان، سونداي- اق اتالعان ورگانداردىڭ الەۋمەتتىك جەلىلەردەگى پاراقشالارىنان، سونداي- اق تاۋلىك بويى جۇمىس ىستەيتىن 1406 Call-ورتالىعىنان بىلۋگە بولادى.