«بالاباقشالار جۇمىسىن توقتاتقان جوق. اتا-انالارعا دا مەكتەپكە دەيىنگى مەكەمەلەردىڭ ىشىنە كىرۋگە رۇقسات بەرىلگەن. الايدا ونداعى سانيتارلىق باقىلاۋ كۇشەيتىلەتىن بولادى»، - دەپ حابارلادى قالاداعى كوروناۆيرۋستىڭ تارالۋىن بولدىرماۋ ماقساتىندا قۇرىلعان شتاب وكىلدەرى. ەستەرىڭىزگە سالا كەتسەك، وسىعان دەيىن وسكەمەندە كوپشىلىك ورىندارداعى بالالار ويىن الاڭدارى جابىلعانىن حابارلاعان بولاتىنبىز.
سونداي-اق جولاۋشىلار اۆتوبۋستارى ءار رەيس سايىن دەزينفەكسيالانىپ جاتىر. قالا اكىمى جاقسىلىق ومار شاھاردا ازىق-تۇلىك قورى جەتكىلىكتى ەكەنىن ءمالىم ەتتى.
اۆتور: تالعاتجان مۇحامەتبەك ۇلى