قازاقستانمەن بىرگە، ت ج رەجيمى يتاليا، ا ق ش، يسپانيا، چەحيا، ەستونيا، رۋمىنيا، بولگاريا سلوۆاكيا جانە ماجارستاندا جاريالاندى، دەپ حابارلايدى قازاقپارات.
«قازاقستان توتەنشە جاعدايدى ەنگىزگەن جالعىز مەملەكەت ەمەس. توتەنشە جاعداي ءتارتىبى ا ق ش، يتاليا، بولگاريا، سەربيا، ەستونيا، رۋمىنيا، چەحيا جانە باسقا دا ەلدەردە ەنگىزىلگەن. ءبىرقاتار مەملەكەتتەر ۆيرۋستىڭ تارالۋى كەڭ ەتەك جايىپ جانە جاعداي باقىلاۋدان شىعا باستاعان كەزدە عانا توتەنشە جاعدايدى ەنگىزۋگە ءماجبۇر بولدى. قازاقستاندىق بيلىك توتەنشە جاعدايدى الدىن الۋ شاراسى رەتىندە ەنگىزۋدە»، - دەپ جازدى ق ر پرەزيدەنتىنىڭ كەڭەسشىسى ەرلان كارين Facebook پاراقشاسىندا.
11-ناۋرىزدا دۇنيەجۇزىلىك دەنساۋلىق ساقتاۋ ۇيىمى (د د ۇ) جاڭا كوروناۆيرۋستىڭ ءورشۋىن پاندەميا دەپ باعالادى. «COVID-19 الەمنىڭ 158 ەلىنە تارالدى جانە 169 مىڭنان استام ادامعا جۇقتى. سوڭعى دەرەكتەر بويىنشا، ق ح ر- دا 80884 جۇقتىرۋ وقيعاسى انىقتالدى، ونىڭ 3199 ى ولىمگە اكەپ سوقتى. كوروناۆيرۋستىق ىندەتتىڭ وشاعى قازىر - قىتاي ەمەس، ەۋروپا»، دەپ جازدى ددۇ.
قىتايدان كەيىنگى جاپپاي ينفەكسيا تىركەلگەن يتاليادا 31-قاڭتاردا توتەنشە جاعداي ەنگىزىلدى. يتاليا العاشقىلاردىڭ ءبىرى بولىپ مۇنداي رەجيمدى ەنگىزدى. قازىرگى ۋاقىتتا بۇل ەلدە 24 مىڭنان استام ادام كوروناۆيرۋسپەن اۋىرىپ، 1809 ادام قايتىس بولدى. مەملەكەت باسشىسىنىڭ شەشىمىمەن رەجيم 6-اي بويى ءوز كۇشىندە بولادى.
11-ناۋرىز كۇنى ماجارستان ۇكىمەتى كوروناۆيرۋسكە بايلانىستى توتەنشە جاعداي جاريالاۋدى ۇيعاردى.
ەلدەگى بارلىق بۇقارالىق جانە سالتاناتتى شارالار توقتاتىلدى. بۇل ەلدە 32 ادام كوروناۆيرۋستىڭ جاڭا ءتۇرىن جۇقتىردى.
امەريكا قۇراما شتاتتارىندا 14-ناۋرىزدان باستاپ، كوروناۆيرۋس ينفەكسياسىنىڭ تارالۋىنا بايلانىستى توتەنشە جاعداي جاريالاندى. ول ۋاقىتتا ا ق ش- تا COVID-19 عا شالدىعۋدىڭ 1700 جاعدايى تىركەلىپ، 40 تان استام ادام كوز جۇمعان ەدى. «توتەنشە جاعداي ترامپقا ۇلتتىق اپاتتارعا قارسى قوردان كوروناۆيرۋسپەن كۇرەسكە 50 ميلليارد دوللارعا دەيىن بولۋگە، سونداي-اق فەدەرالدى بيلىككە شتاتتارمەن جانە جەرگىلىكتى ورگاندارمەن ءىس- قيمىلداردى اناعۇرلىم ءتيىمدى ۇيلەستىرۋگە مۇمكىندىك اشادى»، - دەپ جازادى ۆ ۆ س.
سونداي-اق ا ق ش پرەزيدەنتى كوروناۆيرۋستى انىقتايتىن دياگنوستيكالىق تەستىلەردىڭ قوسىمشا جارتى ميلليون جيىنتىعى الداعى اپتانىڭ باسىندا جانە ءبىر اي ىشىندە تاعى 5 ميلليونى دارىگەرلەرگە جەتكىزىلەتىنىن ءمالىم ەتتى. بۇل رەتتە ونىڭ پىكىرىنشە، ولاردى قولدانۋدىڭ قاجەتى بولمايدى. ا ق ش پرەزيدەنتى ءمالىم ەتكەندەي، ونىڭ بۇل جارلىعى دەنساۋلىق ساقتاۋ ءمينيسترىنىڭ قۇزىرەتىن كەڭەيتەدى. بۇدان بىلاي ونىڭ قابىلدايتىن شارالارى قولدانىستاعى كەيبىر زاڭدارمەن جانە ەرەجەلەرمەن شەكتەلمەيتىن بولادى.
بۇل، دەنساۋلىق ساقتاۋ ورگاندارىنا اناعۇرلىم جەدەل ءارى يكەمدى ارەكەت ەتۋگە مۇمكىندىك بەرەدى. سونىمەن بىرگە، قازىرگى ۋاقىتتا ەستونيادا توتەنشە جاعداي رەجيمى قوسىلدى. ەل اۋماعىنا شەتەل ازاماتتارىنىڭ كەلۋىنە، بارلىق قوعامدىق شارالارعا تىيىم سالىنادى، مەكتەپتەر، ۋنيۆەرسيتەتتەر، كينوتەاترلار، مۋزەيلەر، تەاترلار مەن سپورت زالدارىنىڭ قىزمەتى توقتاتىلادى. ساۋدا ورتالىقتارىنىڭ جۇمىسى شەكتەلدى. ءدال وسىنداي جاعداي چەحيا، بولگاريا، سلوۆاكيا، سەربيادا دا ورىن الدى.
بۇل مەملەكەتتەر شەتەلدىك ازاماتتاردىڭ كەلۋىنە تىيىم سالدى. ماسەلەن، چەحيا استاناسىندا ءتىپتى قوعامدىق تاماقتانۋ ورىندارى جابىلدى. ولاردىڭ كوپشىلىگى تاعام جەتكىزۋ قىزمەتتەرىمەن بىرلەسىپ جۇمىس ىستەيدى. 15-ناۋرىزدا تاعى ءبىر ەل - يسپانيا توتەنشە جاعداي ەنگىزەتىنىن جاريالادى. توتەنشە جاعداي 15 كۇنگە سوزىلادى. بيلىك كوروناۆيرۋستىق ينفەكسيانىڭ جاپپاي تارالۋ قاۋپى بولعاندىقتان، ەل ىشىندەگى قوزعالىستى شەكتەۋدى ۇيعاردى. توتەنشە جاعدايدى يسپانيا پرەمەر- ءمينيسترى پەدرو سانچەس مينيسترلەر كابينەتىندەگى جەتى ساعاتتىق كەلىسسوزدەردەن كەيىن جاريالادى. مۇندا تۇرعىندارعا قاجەت كەزدە عانا ۇيدەن شىعۋعا رۇقسات ەتىلەدى.
15-ناۋرىزدا سەربيا پرەزيدەنتى الەكساندر ۆۋچيچ تۇرعىندار الدىندا سويلەگەن سوزىندە ەل اۋماعىنا توتەنشە جاعداي ەنگىزىلەتىنىن مالىمدەدى.
سونىمەن بىرگە، پرەزيدەنت، شارالاردىڭ ەڭ الدىمەن ينفەكسيا جۇقتىرۋ قاۋپى بار قارتتاردى قورعاۋعا باعىتتالعانىن اتاپ ءوتتى. سەربياداعى بالاباقشالار، مەكتەپتەر، ۋنيۆەرسيتەتتەر جابىق. مەملەكەت شەتەلدىك ازاماتتارعا، اتاپ ايتقاندا، يتاليا، يران، قىتاي، وڭتۇستىك كورەيا، شۆەيتساريادان كەلگەندەرگە تىيىم سالدى. بۇگىننەن باستاپ سلوۆاكيادا توتەنشە جاعداي ەنگىزىلدى. ازىق- تۇلىك دۇكەندەرى مەن ءدارىحانالاردى قوسپاعاندا، بارلىق ساۋدا ورىندارىنىڭ جۇمىسى توقتاتىلىپ، بانكتەر مەن پوشتا بولىمشەلەرى جۇمىس ىستەۋگە رۇقسات ەتىلدى.
كوروناۆيرۋستىڭ بەتى قايتا باستاعانىمەن بەيجىڭدە جوعارى دەڭگەيدەگى توتەنشە جاعداي توقتاتىلمادى. ق ح ر- دىڭ 24 اكىمشىلىك- اۋماقتىق بولىگىندە حالىقتىڭ دەنساۋلىعىنا بايلانىستى توتەنشە جاعدايلارعا دەن قويۋ دەڭگەيى تومەندەتىلسە دە، بەيجىڭ، شاڭحاي، تيانجين سياقتى مەگاپوليستەرىندە ەڭ جوعارى دەڭگەيدە قالا بەرەدى.
ازاماتتاردىڭ ءومىرى مەن دەنساۋلىعىن قورعاۋ ماقساتىندا ق ر پرەزيدەنتىنىڭ جارلىعىمەن قازاقستان رەسپۋبليكاسىنىڭ بارلىق اۋماعىندا 2020 -جىلعى 16-ناۋرىزدان 2020 -جىلعى 15-ساۋىرگە دەيىن توتەنشە جاعداي ەنگىزىلدى. سونداي- اق، قازاقستان ازاماتتارىنا 15-ساۋىرگە دەيىن ەل اۋماعىنان شىعۋعا تىيىم سالىندى. ق ر پرەزيدەنتى قاسىم-جومارت توقايەۆ ەل حالقىنا ۇندەۋ جولدادى.
اۆتور: ايجان سەرىكجان قىزى