«توتەنشە جاعداي كەزىندە ۇكىمەت ازىق- تۇلىك قاۋىپسىزدىگىن قامتاماسىز ەتۋ بويىنشا بارلىق شارالاردى قابىلداپ جاتىر. الەۋمەتتىك ماڭىزى بار تاۋارلاردىڭ باعالارى تۇراقتاندىرىلاتىن بولادى. توتەنشە جاعداي رەجىمىندە بارلىق ەل بولىپ، ورتاق قاۋىپ- قاتەرگە قارسى بىرىگۋگە ءتيىسپىز. ءبىز تاماق ءونىمىنىڭ باعالارىن كوتەرۋگە، الىپساتارلىققا سالىنۋعا جول بەرمەۋ ءۇشىن بارلىق كۇش- جىگەرىمىزدى سالاتىن بولامىز. ول ءۇشىن ءتيىستى قۇقىقتار مەن تەتىكتەر جەتكىلىكتى» ، - دەدى مينيستر.
ونىڭ ايتۋىنشا، قازىرگى ۋاقىتتا الەۋمەتتىك ماڭىزى بار ازىق- تۇلىك تاۋارلارىنىڭ شەكتى باعالارىن ەنگىزۋ تەتىگى جەڭىلدەتىلىپ جاتىر.
«بۇل اكىمدىكتەرگە باعالاردىڭ اۋىتقۋىنا جەدەل دەن قويۋعا مۇمكىندىك بەرەدى. جەرگىلىكتى اتقارۋشى ورگانداردىڭ شەكتى باعالاردى كوتەرگەن كاسىپكەرلەرگە ايىپپۇل سالۋ قۇقىقتارى بار. بۇل قاعيدات قولدانىلادى» ، - دەدى باقت سۇلتانوۆ.
ايتا كەتەيىك، ق ر پرەزيدەنتى قاسىم- جومارت توقايەۆ الەۋمەتتىك- ەكونوميكالىق تۇراقتىلىقتى قامتاماسىز ەتۋ جونىندەگى شارالار تۋرالى جارلىققا قول قويدى. وندا شەكتى تاريفتەردى جانە حالىقتىڭ جانە ەكونوميكانىڭ ۇزدىكسىز تىنىس- تىرشىلىگىن قامتاماسىز ەتۋ ءۇشىن قاجەتتى ازىق- تۇلىك پەن باسقا دا تاۋارلارعا باعالاردى بەلگىلەۋ تاپسىرىلدى.