«Halyk Bank كليەنتتەرمەن ءاردايىم ءوزارا اشىق قارىم-قاتىناستا بولۋعا ۇمتىلادى. ونىڭ ۇستىنە بۇگىنگى بۇكىل الەمدى دۇرلىكتىرگەن ءومىر ءسۇرۋ جاعدايىندا بۇل اسا ماڭىزدى. وسىعان بايلانىستى COVID-19 كوروناۆيرۋس ينفەكتسياسىن جۇقتىرعان ادامداردىڭ ءبىرى الماتى قالاسىنداعى بانك عيماراتىنىڭ بىرىندە كەڭەس بەرۋ قىزمەتىن ۇسىناتىن سىرتقى ۇيىمنىڭ قىزمەتكەرى ەكەنىن حالىققا حابارلاۋ قاجەت دەپ سانايمىز» دەپ حابارلايدى «قازاقستان حالىق بانكى» ا ق باسپا ءسوز قىزمەتى.
ناۋقاس جانە ونىمەن بايلانىسقان بارلىق قىزمەتكەرلەر سىناق پروتسەدۋراسىنان ءوتىپ، قازىرگى ۋاقىتتا وقشاۋلانعان جانە كارانتيندە جاتىر.
«انىقتالعان اۋرۋى بار سىرتقى كومپانيانىڭ قىزمەتكەرىنە جاقىن جەردە بولعان بانك قىزمەتكەرلەرى كليەنتتەرمەن تىكەلەي قارىم-قاتىناستا بولماعانىن حابارلايمىز. ءوز كەزەگىندە بانك كليەنتتەر مەن قىزمەتكەرلەر دەنساۋلىعىنىڭ بارىنشا قاۋىپسىزدىگىن قامتاماسىز ەتۋگە باعىتتالعان بۇرىن-سوڭدى بولماعان شارالاردى قولعا الدى. كەڭسە جانە بولىمشەلەردە ۇنەمى سانيتارلىق تازارتۋ جۇرگىزىلەدى. بانك بولىمشەلەرى مەن بانكوماتتار ادەتتەگى رەجيمدە جۇمىس ىستەيدى، بارلىق وپەراتسيالار كليەنتتەرگە قولجەتىمدى» دەپ ءمالىم ەتتى بانكتەن.