بۇل سۇراققا ساۋدا جانە ينتەگراتسيا مينيسترلىگى جاۋاپ بەردى، دەپ حابارلايدى قازاقپارات ءتىلشىسى.
«قازاقستان رەسپۋبليكاسىنىڭ ساۋدا جانە ينتەگراتسيا مينيسترلىگى رەسپۋبليكادا توتەنشە جاعداي جاريالانسا دا ازىق- تۇلىك ماركەتتەرى مەن بازارلار جۇمىسىن جالعاستىرا بەرەتىنىن حابارلايدى. قازاقستان پرەزيزەنتى قاسىم- جومارت توقايەۆتىڭ توتەنشە جاعداي ەنگىزۋى تۋرالى جارلىعىندا ايتىلعانداي، ءىرى ساۋدا ساۋدا نىساندارىنىڭ قىزمەتى شەكتەلەدى. حالىق كوپ جينالاتىن ساۋدا- ويىن- ساۋىق ورتالىقتارىنىڭ جۇمىسى ۋاقىتشا توقتاتىلادى. ازىق- تۇلىك دۇكەندەرى دە، باسقا دا شاعىن دۇكەندەر، ساۋدا- ويىن- ساۋىق ورتالىقتارىنان تىس ورنالاسقان وزگە دە شاعىن جانە ورتا بيزنەس نىساندارى يەسىنىڭ قالاۋىنا قاراي جۇمىسىن جالعاستىرا الادى»، - دەپ حابارلادى مينيسترلىكتەن.
ايتا كەتسەك بۇگىن قازاقستان رەسپۋبليكاسىندا توتەنشە جاعداي ەنگىزىلدى. بۇل تۋرالى جارلىققا ق ر پرەزيدەنتى قول قويدى. جارلىققا سايكەس ويىن-ساۋىق ورتالىقتارىنىڭ، كينوتەاترلار مەن تەاترلاردىڭ جۇمىسى توقتاتىلىپ، قازاقستان رەسپۋبليكاسىنا كەلەتىن حالىقارالىق ۇيىمدار دەلەگاتسيالارىنىڭ مۇشەلەرىن قوسپاعاندا ەل اۋماعىنا كولىكتىڭ بارلىق تۇرلەرىمەن كىرۋگە، سونداي-اق ونىڭ اۋماعىنان شىعۋعا شەكتەۋلەر بەلگىلەندى.