بارلىق مەكتەپكە دەيىنگى مەكەمەلەردە ۆيرۋستىق اۋرۋلاردىڭ الدىن الۋ شارالارى كۇشەيتىلدى، دەپ حابارلايدى قازاقپارات ءتىلشىسى.
وبلىستىڭ بارلىق بالاباقشالارى شتاتتىق رەجيمدە جۇمىس ىستەيتىن بولادى. ءبىراق ەگەر اتا- انالار بالاسىن بەلگىلى ءبىر ۋاقىت ۇيدە بولادى دەپ شەشىم قابىلداسا، ول تۋرالى بالاباقشا اكىمشىلىگىنە جازباشا تۇردە حابارلاۋى ءتيىس.
تاماق تانۋ ءۇشىن تولەم قايتا ەسەپتەلىپ، بالانىڭ ورنى ساقتالادى. جۇقپالى جانە ۆيرۋستىق اۋرۋلاردىڭ الدىن الۋ بويىنشا ءىس-شارالار كۇشەيتىلۋدە: دەزينفەكتسيالاۋ قۇرالدارىن قولدانا وتىرىپ، ىلعالدى جيناۋ جيىلىگى ۇلعايتىلدى، ءۇي-جايلاردى جەلدەتۋ، كۆارتستاۋ رەجيمى قاتاڭ ساقتالادى. تاماق تانۋ جانە سۋ ءىشۋدى ۇيىمداستىرۋ ەرەكشە باقىلاۋدا.
«بارلىق مەكتەپكە دەيىنگى ۇيىمداردا قاجەتتى مولشەردە جۋۋ قۇرالدارى، قول گيگيەناسى مەن دەزينفەكتسيالاۋعا ارنالعان قۇرالدار بار. بالالاردا ۆيرۋستى ينفەكتسيا بەلگىلەرى بولعان كەزدە تاڭەرتەڭگىلىك «سۇزگى» جۇرگىزىلەدى، بالالار مەكتەپكە دەيىنگى ۇيىمدارعا جىبەرىلمەيدى. ەگەر مۇنداي بەلگىلەر پايدا بولسا، وندا بالالاردى يزولياتورعا ورنالاستىرىپ، اتا- انالارعا بالانى الىپ كەتۋ قاجەتتىلىگى تۋرالى حابارلايتىن بولادى»، - دەپ حابارلادى وبلىستىق دەنساۋلىق ساقتاۋ باسقارماسىنىڭ باسپا ءسوز قىزمەتى. ماماندار الدىن الۋدىڭ ماڭىزدى فاكتورى - بالاعا جەكە گيگيەنا داعدىلارىن ۇيرەتۋ بولىپ تابىلاتىنىن جانە تاربيەشى مەن اتا-انالاردىڭ بىرلەسكەن قىزمەتى ماڭىزدى ەكەنىن اتاپ ايتتى.