ەلىمىزدىڭ باسىم وڭىرىندە قار ارالاس جاڭبىر جاۋادى

ەلىمىزدىڭ تەك وڭتۇستىك، وڭتۇستىك- شىعىس جانە ورتالىعىندا جاۋىن- شاشىنسىز اۋا رايى ساقتالادى. رەسپۋبليكانىڭ كەي جەرلەرىندە تۇمان، كوكتايعاق، جەلدىڭ كۇشەيۋى بولجانادى، دەپ حابارلايدى قازاقپارات.

«قازگيدرومەت» ر م ك بولجامىنشا، سولتۇستىك قازاقستان وبلىسىندا جەلدىڭ ەكپىنى 23-28 م/س كۇشەيەدى، كەي جەرلەردە تۇمان، كوكتايعاق كۇتىلەدى. پاۆلودار وبلىسىنىڭ كەي جەرلەرىندە تۇمان، كوكتايعاق بولادى، جەلدىڭ كۇشەيۋى تۇندە كەي جەرلەردە 18 م/س، كۇندىز 23-28 م/س جەتەدى. اقمولا وبلىسىندا تۇندە كەي جەرلەردە جەل 15-20 م/س، كۇندىز باسىم بولىگىندە 23-28 م/س ارتادى. قاراعاندى، شىعىس قازاقستان وبلىستارىنىڭ كەي جەرلەرىندە تۇمان كۇتىلەدى، جەل 15-20 م/س كۇشەيەدى.

الماتى وبلىسىنىڭ جالاڭاشكول اۋدانىندا تۇندە جەلدىڭ كۇشى 17-22 م/س ارتادى. باتىس قازاقستان، كۇندىز جامبىل وبلىستارىنىڭ كەي جەرلەرىندە جەل 15-20 م/س كۇشەيەدى. قوستاناي وبلىسىنىڭ كەي جەرلەرىندە تۇمان، كوكتايعاق، جەلدىڭ كۇشى 15-20، ەكپىنى 23 م/س جەتەتىنى بولجانادى. قىزىلوردا، اتىراۋ وبلىستارىنىڭ كەي جەرلەرىن تۇمان باسادى. ماڭعىستاۋ وبلىسىنىڭ كەي جەرلەرىندە تۇمان كۇتىلەدى، كۇندىز جەل 15-20 م/س كۇشەيەدى.