تىلەۋحان ابىلدايەۆتىڭ ايتۋىنشا، فرانكفۋرت- الماتى باعىتىندا كەلگەن رەيستە 68 ادام بولعان.
«ونىڭ 4-ەۋى ترانزيت ارقىلى باسقا ەلگە ۇشىپ كەتكەن. 40 ادام تۇرعىلىقتى مەكەنجايى بويىنشا تابىلىپ، كارانتينگە الىندى. بىزدە بارلىق جولاۋشى تۋرالى مالىمەت بار، جەكە تۇلعالارى انىقتالعان»، - دەيدى تىلەۋحان ابىلدايەۆ.
ال 12 - ناۋرىزدا الماتىعا كەلگەن رەيستە ەكيپاجدى قوسقاندا بارلىعى 12 ادام بولعان. ونىڭ بارلىعى كەلىسىمەن بىردەن وقشاۋلاندى.
جالپى العاندا الماتىعا 24 - اقپان مەن 13 - ناۋرىز ارالىعىندا شەتەلدەن 11340 ادام كەلگەن. ونىڭ % 95.7- ى ياعني 10852 ادام مەديتسينالىق مەكەمەلەر باقىلاۋىندا تۇر.
نۇر- سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا كوروناۆيرۋس ينفەكسياسى تابىلعان قازاقستاندىق ناۋقاستىڭ جاي كۇيى تۋرالى ايتىپ بەردى، دەپ حابارلايدى قازاقپارات ءتىلشىسى.
«قازاقستاندىق ايەل 12 - ناۋرىز كۇنى ميلان- ماسكەۋ- نۇر- سۇلتان رەيسىنەن ءتۇسىرىلدى. سەبەبى، يتاليا كوروناۆيرۋستىق ينفەكسيا قاۋپى بويىنشا ءبىرىنشى ساناتقا ەنگىزىلگەن. وسىعان بايلانىستى كەشە تاڭعى 8:25-تە ق ر ازاماتى رەيستەن ءتۇسىرىلىپ، ءبىزدىڭ ستاتسيونارعا جەتكىزىلدى. قازىر ول نۇر- سۇلتان قالاسىنداعى كوپ بەيىندى مەديتسينالىق ورتالىقتىڭ كارانتيندىك ستاتسيونارىندا جاتىر»، - دەدى س. قيسىقوۆا ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
كوروناۆيرۋستىق ينفەكسيانى دياگنوستيكالاۋ مەن ەمدەۋ حاتتاماسىنا سايكەس، ايەلدەن بيوماتەريال الىنىپ، ۇلتتىق ساراپتاما ورتالىعىنىڭ ۆيرۋسولوگيالىق زەرتحاناسىنا جىبەرىلگەن.
«بۇگىن زەرتحانا ناتيجەسىن الدىق جانە قازاقستاندىق ايەلدەن كوروناۆيرۋستىق ينفەكسيا تابىلدى. قازىرگى ۋاقىتتا ناۋقاس دەنساۋلىعىنا ەش شاعىم تۇسپەدى، ءبىراق ينفەكسيا تابىلعاندىقتان، ەمدەۋ شارالارى باستالدى. ول جەلدەتكىشى بار ءبىر ادامدىق پالاتادا جاتىر»، - دەدى باسقارما باسشىسى.
سونداي- اق، قازاقستاندىق ايەلمەن ءبىر ۇشاقتا 90 جولاۋشى بولعان. نۇر- سۇلتان قالاسىنىڭ دەنساۋلىق ساقتاۋ باسقارماسى ولارعا حابارلاسىپ جاتىر.