قازاقستان رەسپۋبليكاسىنىڭ اۋماعىندا كوروناۆيرۋس ينفەكتسياسىنىڭ تارالۋىن بولدىرماۋ ءۇشىن قابىلدانعان شارالار
1 «ا» ساناتىنداعى ەلدەر ءۇشىن (يران، يتاليا، قىتاي، كورەيا) كەلەسى شەكتەۋلەر ەنگىزىلەدى:
اتالعان ەلدەردىڭ ازاماتتارىنا جانە سوڭعى 30 كۇن ىشىندە وسى ەلدەرگە بارعان ادامدارعا ۆيزالاردى بەرۋ جانە ق ر اۋماعىنا كىرۋ ۋاقىتشا توقتاتىلدى.
انىقتاما: 1 ساناتتاعى ەلدەردىڭ اۋماعىندا تۇرمايتىن جانە وسى مەملەكەتتەرگە سوڭعى 30 كۇن ىشىندە كەلمەگەن تۇلعالار ءۇشىن ۆيزالاردى رەسىمدەۋگە جانە ق ر- عا كەلۋگە شەكتەۋلەر قولدانىلمايدى.
1 «ا» ساناتىنداعى ەلدەردەن قايتىپ ورالعان ق ر اۋماعىندا تۇراتىن شەتەلدىك ازاماتتار تۇرۋعا ىقتيارحاتتىڭ نەگىزىندە جانە ازاماتتىعى جوق ادامدار قازاقستانعا كىرە الادى جانە بۇل جاعدايدا جەرگىلىكتى ورگاندارمەن بەلگىلەنگەن ءۇي- جايلاردا وقشاۋلانىپ، 14 كۇن مەرزىمگە كارانتينگە ورنالاستىرىلادى.
تۇراقتى اۆيارەيستەر، جاياۋ وتپە جولدار، قىتايمەن تەمىر جول/اۆتوموبيل جولاۋشىلار تاسىمالى توقتاتىلدى. يرانمەن اۋە قاتىناسى توقتاتىلدى.
انىقتاما: كورەيادان «الماتى- سەۋل- الماتى» باعىتى بويىنشا اپتاسىنا 2 رەت «ەير- استانا» جانە «ازيانا- ەيرلاينز» اۋەكومپانيالارى ۇشادى، ال «نۇر- سۇلتان- سەۋل- نۇر- سۇلتان» باعىتى بويىنشا اپتاسىنا 1 رەت «ەير- استانا» اۋەكومپانياسى ۇشادى. «ەير- استانا» اۋەكومپانياسى تەك ق ر ازاماتتارىن تاسىمالدايدى.
رەسمي جانە ۇكىمەتتىك دەلەگاسيالاردى، سونداي- اق قىزمەتتىك جانە ديپلوماتيالىق ءتولقۇجاتتاردىڭ يەلەرىن، اۆياكومپانيالاردىڭ ۇشقىشتارى مەن ەكيپاج، لوكوموتيۆ بريگادالارىنىڭ مۇشەلەرىن، تەمىرجول كولىگىندە تاسىمالداۋ قىزمەتىمەن اينالىساتىن ادامداردى جانە جۇكتەردى اۆتوموبيلمەن حالىقارالىق تاسىمالداۋدى جۇزەگە اسىراتىن جۇرگىزۋشىلەردى قوسپاعاندا، 1 «ا» ساناتىنداعى ەلدەردەن كەلگەن، سول ەلدەردە سوڭعى بولعان ساتىنەن باستاپ 14 كۇن وتپەگەن ادامدار جەرگىلىكتى ورگاندار بەلگىلەگەن ءۇي- جايلاردا وقشاۋلانا وتىرىپ، 14 كۇن مەرزىمگە كارانتينگە ورنالاستىرىلادى.
1 «ب» ساناتىنداعى ەلدەر ءۇشىن (گەرمانيا، يسپانيا، فرانسيا):
اتالعان ەلدەردىڭ ازاماتتارىنا جانە سوڭعى 30 كۇن ىشىندە وسى ەلدەرگە بارعان ادامدارعا ۆيزالاردى بەرۋ جانە قازاقستان اۋماعىنا كىرۋ ۋاقىتشا توقتاتىلدى.
انىقتاما: 1 ساناتتاعى ەلدەردىڭ اۋماعىندا تۇرمايتىن جانە وسى مەملەكەتتەرگە سوڭعى 30 كۇن ىشىندە كەلمەگەن تۇلعالار ءۇشىن ۆيزالاردى رەسىمدەۋگە جانە ق ر- عا كەلۋگە شەكتەۋلەر قولدانىلمايدى.
1 «ب» ساناتىنداعى ەلدەردەن كەلگەن ق ر اۋماعىندا تۇراتىن شەتەلدىك ازاماتتار تۇرۋعا ىقتيارحاتتىڭ نەگىزىندە جانە ازاماتتىعى جوق ادامدار قازاقستان رەسپۋبليكاسىنا كىرە الادى جانە بۇل جاعدايدا ۇيدە وقشاۋلاۋعا ورنالاستىرىلادى.
رەسمي جانە ۇكىمەتتىك دەلەگاسيالاردى، سونداي- اق قىزمەتتىك جانە ديپلوماتيالىق ءتولقۇجاتتاردىڭ يەلەرىن، اۆياكومپانيالاردىڭ ۇشقىشتارى مەن ەكيپاج، لوكوموتيۆ بريگادالارىنىڭ مۇشەلەرىن، تەمىرجول كولىگىندە تاسىمالداۋ قىزمەتىمەن اينالىساتىن ادامداردى جانە جۇكتەردى اۆتوموبيلمەن حالىقارالىق تاسىمالداۋدى جۇزەگە اسىراتىن جۇرگىزۋشىلەردى قوسپاعاندا، 1 «ب» ساناتىنداعى ەلدەردەن كەلگەن، سول ەلدەردە سوڭعى بولعان ساتىنەن باستاپ 14 كۇن وتپەگەن ادامدار ۇيدە وقشاۋلاۋعا ورنالاستىرىلادى (ق ر د س م تالاپتارىنا، سونىڭ ىشىندە حالىق كوپ جينالاتىن ورىندارعا بارماي، ءۇي كارانتيندە بولۋ) . ۇيدە وقشاۋلاۋ ەرەجەلەرىنىڭ ساقتالۋىن باقىلاۋ جانە كەڭەس بەرۋدى ق ر د س م قىزمەتكەرلەرى قوڭىراۋ شالۋ ارقىلى جۇرگىزەدى. ۇيدە وقشاۋلاۋ ءۇشىن مۇمكىندىك بولماعان جاعدايدا اۋرۋحاناعا جاتقىزىلادى.
رەسمي جانە ۇكىمەتتىك دەلەگاسيالاردىڭ مۇشەلەرى، قىزمەتتىك جانە ديپلوماتيالىق ءتولقۇجاتتاردىڭ يەلەرى، اۆياكومپانيالاردىڭ ۇشقىشتارى مەن ەكيپاج، لوكوموتيۆ بريگادالارىنىڭ مۇشەلەرى، تەمىرجول كولىگىندە تاسىمالداۋ قىزمەتىمەن اينالىساتىن ادامدار جانە 1ا) جانە 1ب) ساناتىنداعى ەلدەردەن جۇكتەردى اۆتوموبيلمەن حالىقارالىق تاسىمالداۋدى جۇزەگە اسىراتىن جۇرگىزۋشىلەر 2-ساناتتاعى سەكىلىد قوڭىراۋ شالۋ ارقىلى تۇرعىلىقتى (كەلگەن) جەرى بويىنشا مەديتسينالىق باقىلاۋعا الىنادى؛
2 ساناتتاعى ەلدەر ءۇشىن ( ۇلى بريتانيا، نيدەرلاندى، شۆەيتساريا):
2 ساناتتاعى ەلدەردەن كەلگەن ادامداردى ق ر شەكاراسىنان وتكەن كۇننەن باستاپ 14 كۇن بويى قوڭىراۋ شالۋ ارقىلى تۇرعىلىقتى جەرى بويىنشا مەديتسينالىق- سانيتاريالىق العاشقى كومەك كورسەتۋ (م س ا ك) مەديتسينا قىزمەتكەرىنىڭ باقىلاۋىندا بولادى.
3 ساناتتاعى ەلدەر ءۇشىن (بەلگيا، ءۇندىستان، يراك، نورۆەگيا، ا ق ش، فيليپپين، شۆەتسيا):
ق ر دەنساۋلىق ساقتاۋ مينيسترلىگى كوروناۆيرۋستىق ينفەكتسيانىڭ تارالۋى بويىنشا 3 ساناتتاعى ەلدەردەگى ەپيدەميولوگيالىق جاعدايعا مونيتورينگ جۇرگىزەدى.
انىقتاما: 3 ساناتتاعى ەلدەردىڭ اۋماعىنان كەلگەن ادامدار ارنايى ەسەپكە الىنىپ، ەلدە ەركىن جۇرە بەرەدى.