«قازىرگى كۇندە قوسىمشا تاعى ءبىر ناۋقاس انىقتالدى، ياعني ءۇشىنشى ناۋقاس دەپ ايتۋعا بولادى. ميلان قالاسىنان نۇر- سۇلتان قالاسىنا 12 - ناۋرىز كۇنى كەلدى. زەرتحانالىق ساراپتاما بويىنشا كوروناۆيرۋستىق ينفەكسيا انىقتالدى. بۇل ازامات كەلگەندە، ءبىزدىڭ پروتوكول بويىنشا اۋەجايدان تىكەلەي كارانتينگە جاتقىزىلدى» ، - دەدى ەلجان ءبىرتانوۆ.
ونىڭ سوزىنە قاراعاندا، اتالعان بورتتا 90 جولاۋشى بولعان. ولارعا قاتىستى سانيتارلىق شارالار ىسكە اسىرىلۋدا.
بۇعان دەيىن حاباارلانعانداي، دەنساۋلىق ساقتاۋ ءمينيسترى ەلجان ءبىرتانوۆ كوروناۆيرۋس ينفەكسياسىن جۇقتىرعان قازاقستاننىڭ ەكى ازاماتى گەرمانيادان كەلگەنىن ءمالىم ەتتى.
سونىمەن قاتار كوروناۆيرۋس جۇقتىرعان قازاقستان ازاماتتارىمەن ءبىر بورتتا بولعان جولاۋشىلار كارانتينگە جاتقىزىلاتىنى ايتىلدى.