«اتالعان ازاماتتار الماتى قالاسىنداعى ينفەكسيالىق ستاتسيوناردا جاتىر. بۇدان بۇرىن ايتقانىمىزداي، ەلىمىزدە كوروناۆيرۋس تىركەلگەن جاعدايدا ۇكىمەت جانىنداعى ۆەدومستۆوارالىق كوميسسيا ءتيىستى ءىس- شارالار جوسپارىن بەكىتكەن ەدى. «ب» جوسپارى بۇگىن كۇشىن ەندى. ءبىرىنشى پاتسيەنت 9 - ناۋرىزدا، ەكىنشىسى 12 - ناۋرىزدا كەلگەن. ولاردىڭ كىم ەكەنىن جاريالاي المايمىز. ءبىر ەر ادام مەن ءبىر ايەل. ەكەۋى دە قازاقستانعا ۇشاقپەن ۇشىپ كەلگەن. بورتتا كوروناۆيرۋستى جۇقتىرعاندارمەن بىرگە بولعانداردىڭ ءبارى دە كارانتينگە جاتقىزىلادى. ياعني، 9 - ناۋرىزدا بىرگە ۇشقان 73 ادامنىڭ كىم ەكەنى انىقتالدى. ولار باقىلاۋدا. قايدا ەكەنىن بىلەمىز. كارانتينگە جاتقىزۋ شارالارىنا كىرىستىك. ولار اۋرۋ ادامدار ەمەس» ، - دەدى ە. ءبىرتانوۆ.
سونىمەن قاتار ول بورتتا ەكى قازاقستاندىقپەن ۇشىپ كەلگەن جولاۋشىلاردىڭ ءتىزىمى بار ەكەنىن جەتكىزدى. سول ۇشاقتاردىڭ بىرىندەگى 12 ازامات قازىرگى تاڭدا كارانتيندە جاتىر.
ەسكە سالا كەتسەك ، بۇعان دەيىن دەنساۋلىق ساقتاۋ ءمينيسترى ەلجان ءبىرتانوۆ قازاقستاننىڭ ەكى ازاماتىنان كوروناۆيرۋس ينفەكسياسى تابىلعانىن ءمالىم ەتكەن ەدى.