«ۇكىمەت ءىرى وتاندىق كاسىپورىندارمەن بىرلەسە وتىرىپ، ءوندىرىستى قولداپ، ۇلعايتىپ، جۇمىس ورىندارىن ساقتاۋ بويىنشا داعدارىسقا قارسى ماقساتتى جوسپاردى ازىرلەيدى. مەملەكەت باسشىسى جەرگىلىكتى تاۋارلار مەن جۇمىس كۇشىن تارتۋ ارقىلى ينفراقۇرىلىمدىق، الەۋمەتتىك نىسانداردى، جەرگىلىكتى ماڭىزى بار جولداردى جوندەۋدى كوزدەيتىن جۇمىسپەن قامتۋدىڭ جول كارتاسىن جۇزەگە اسىرۋعا 300 ميلليارد تەڭگە ءبولۋدى تاپسىردى»، - دەلىنگەن اقوردانىڭ رەسمي سايتىندا. سونىمەن قاتار قارجىلىق نارىقتى رەتتەۋ جانە دامىتۋ اگەنتتىگى مەن ۇلتتىق بانك قازاقستاندىق بيزنەستى نەسيەلەۋدى ازايتۋعا جول بەرمەۋگە مىندەتتەلدى. ال ءوڭىر اكىمدەرىنە ازىق- تۇلىك باعاسىنىڭ قىمباتتاۋىنا جول بەرمەۋ تاپسىرىلدى.
ەسكە سالا كەتسەك بۇگىن اقوردادا مەملەكەت باسشىسى قاسىم- جومارت توقايەۆتىڭ قاتىسۋىمەن جەدەل ارەكەت ەتۋ شتابىنىڭ وتىرىسى وتكىزىلدى. وتىرىستا مەملەكەت باسشىسى بالاسىمەن ۇيدە وتىرۋعا ءماجبۇر اتا-انالاردى اقى تولەنەتىن ەڭبەك دەمالىسىنا جىبەرۋدى تاپسىردى. سونىمەن قاتار پرەزيدەنت لاۋازىم يەلەرى مەن مەمقىزمەتشىلەرگە شەتەلگە ءىسساپارعا شىعۋعا تىيىم سالدى.
اۆتور: ايان بەكەن ۇلى