وسى اپتادا ق ح ر مەملەكەتتىك كەڭەسى جانىنداعى ىندەتپەن كۇرەس بويىنشا باسقارۋشى توپتىڭ كەزەكتى وتىرىسىنىڭ قورتىندىسى بويىنشا، شەتەلدەردە كوروناۆيرۋستىڭ تەز تارالۋىنا بايلانىستى شەتەلدىكتەر كوپ كەلەتىن بەيجىڭ سەكىلدى ءىرى مەگاپوليستەرگە كەلۋ قاۋىپسىزدىگىن قامتاماسىز ەتۋ شارالارىن كۇشەيتۋ كورسەتىلگەن.
سونداي- اق سوڭعى تاۋلىكتە قىتايدىڭ قۇرلىق بولىگىندە تىركەلگەن كوروناۆيرۋس ينفەكسياسىن جۇقتىرۋدىڭ 15 جاڭا راستالعان جاعدايىنىڭ التاۋى سىرتتان كەلگەندەرگە قاتىستى، دەلىنگەن ق ح ر دەنساۋلىق ساقتاۋ ىستەرى جونىندەگى مەملەكەتتىك كوميتەتىنىڭ حابارلاماسىندا. جالپى، قازىرگى ۋاقىتتا ۆيرۋستى سىرتتان جۇقتىرۋدىڭ جالپى سانى 85-كە جەتتى.
قىتايدىڭ مەگاپوليستەرىندە توتەنشە جاعدايعا قارسى ارەكەت ەتۋدىڭ ەڭ جوعارى دەڭگەيى الىنىپ تاستالمايدى
ق ح ر- دىڭ 24 اكىمشىلىك- اۋماقتىق بولىنىسىندە حالىقتىڭ دەنساۋلىعىنا بايلانىستى توتەنشە جاعدايلارعا دەن قويۋ دەڭگەيى تومەندەتىلسە دە بەيجىڭ، شاڭحاي، تيانجيڭ سياقتى مەگاپوليستەرىندە ەڭ جوعارى دەڭگەيدە قالا بەرەدى.
جەرگىلىكتى ب ا ق- تىڭ حابارلاۋىنشا، بەيجىڭگە حالىقارالىق رەيستەرمەن كەلەتىن جولاۋشىلار 11 - ناۋرىزدان باستاپ 14 كۇنگە كارانتينگە جاتقىزىلۋى كەرەك. بۇل شارا شەتەلدىكتەرگە دە، قىتاي ازاماتتارىنا دا قاتىستى.
سونىمەن قاتار، بەيجىڭگە از ۋاقىتقا ىسساپارمەن كەلگەن جولاۋشىلار قاتاڭ بەلگىلەنگەن قوناق ۇيلەردە قالىپ، كوروناۆيرۋسقا تەكسەرۋدەن ءوتۋى ءتيىس. كوروناۆيرۋس تەستىنىڭ تەرىس ناتيجەسى بەلگىلى بولعان سوڭ عانا اتالعان ساناتتاعى ادامدار ەل استاناسىندا ەركىن جۇرە الادى.
كوروناۆيرۋستىڭ تارالۋىن باقىلاۋداعى بەيجىڭ تاجىريبەسى
قىتايدا كوروناۆيرۋستىڭ كۇرت تارالۋى كەزىندە، قاڭتار ايىنىڭ سوڭىندا- اقپان ايىنىڭ باسىندا، بەيجىڭ بيلىگى ەل استاناسىن وقشاۋلامادى. قالا ماڭىندا جانە بەيجىڭدەگى اۋدانداردا جەرگىلىكتى تۇرعىندار مەن باسقا قالالاردان كەلگەندەرگە جانە شەتەلدىكتەرگە سانيتارلىق باقىلاۋ شارالارىن كۇشەيتتى.
مىسالى، استانالىق چاويان اۋدانىنىڭ حەيچجۋانحۋ قالالىق كەنتىندە (حالىق سانى 74 مىڭ ادام) بەيجىڭنىڭ تاريحي ورتالىعىنان شىعىسقا قاراي ت ج- عا دەن قويۋدىڭ ەڭ جوعارى دەڭگەيى ەنگىزىلگەن ساتتەن باستاپ مۇندا كوروناۆيرۋس ينفەكسياسىن جۇقتىرۋدىڭ بىردە- ءبىر راستالعان نەمەسە كۇدىكتى وقيعاسى انىقتالعان جوق.
«قازاقپارات» ح ا ا تىلشىسىنە بەرگەن سۇحباتىندا اتالعان كەنت باسشىسىنىڭ ورىنباسارى تيان حە حەيچجۋانحادا قاتاڭ وتكىزۋ رەجىمى مەن ارنايى تىركەۋ جۇيەسىن ەنگىزۋدىڭ ارقاسىندا عانا كوروناۆيرۋستىڭ تارالۋىنا جول بەرمەۋ مۇمكىن بولعانىن ايتتى.
كەنتتە 38 وتكىزۋ پۋنكتى ورناتىلدى، وندا جەرگىلىكتى تۇرعىن ءۇي- كوممۋنالدىق شارۋاشىلىق قىزمەتكەرلەرى 24/7 رەجىمىندە كەنتكە كىرەتىن ادامداردىڭ دەنە قىزۋىن ولشەيدى جانە ولاردىڭ ارنايى رۇقساتنامالارىن تەكسەرەدى. رۇقسات ەتىلمەگەندەر قالاعا كىرگىزىلمەيدى.
اۆتورى رۋسلان سۇلەيمەنوۆ