بۇل تۋرالى ورتالىق كوممۋنيكاتسيالار قىزمەتى الاڭىندا وتكەن كوروناۆيرۋستىق ينفەكتسيا بويىنشا اعىمداعى جاعدايعا ارنالعان باسپا ءسوز ءماسليحاتىندا ايتىلدى، دەپ حابارلايدى قازاقپارات ءتىلشىسى.
«بۇگىنگى كۇنى ءبىز اۋە رەيستەرىن توقتاتىپ وتىرعان جوقپىز، قىسقارتىپ وتىرمىز. مىسالى، نۇر-سۇلتان - ىستانبۇل باعىتى بويىنشا 30 رەيس 6 رەيسكە قىسقاردى. بىزدە اۆياتسيالىق اكىمشىلىك قۇرىلعان. ول جەردە تاۋلىك بويى بايلانىس نومىرلەرى جۇمىس ىستەيدى. جولعا شىقپاي قالعانداردىڭ بيلەتتەرىن اۋە كومپانيالارى ەشقانداي ايىپپۇلسىز قايتارىپ بەرەدى. ال بيلەتتى باسقا كۇنگە اۋىستىرۋ قاجەت بولسا، ول جاعى دا قاراستىرىلعان»، - دەيدى ق ر يندۋستريا جانە ينفراقۇرىلىمدىق دامۋ ۆيتسە-ءمينيسترى بەرىك قاماليەۆ.
سونداي-اق، ق ر دەنساۋلىق ساقتاۋ ءمينيسترى ەلجان ءبىرتانوۆ قاۋىپتى جاعداي تۋرالى حالىققا 6-قاڭتار كۇنى ەسكەرتىلگەنى تۋرالى ايتتى.
«6- قاڭتار كۇنى كوروناۆيرۋسقا بايلانىستى العاشقى باسپا ءسوز ءماسليحاتى وتكەن. ودان كەيىن 13, 20- قاڭتاردا، ياعني اپتاسىنا ءبىر رەت وسىعان قاتىستى بريفينگ ءوتىپ وتىردى. قاۋىپتى جاعدايعا بايلانىستى شەتەلگە بارۋ تۋرالى جوسپاردى توقتاتۋ كەرەكتىگى تۋرالى ەسكەرتكەنبىز. ازاماتتاردىڭ وزدەرىندە دە جاۋاپكەرشىلىك بولۋى كەرەك. ءبىزدىڭ كەڭەسىمىزگە قۇلاق اسپاعاندىقتان وسىنداي جاعدايلار بولىپ جاتىر. كوروناۆيرۋس جۇقتىرۋ قاۋپى جوعارى مەملەكەتتەرگە بارۋدان باس تارتۋ كەرەك»، - دەيدى ول.