وبلىستاعى اۋقىمدى جوبانى «وپەراتور روپ» ج ش س ىسكە اسىرادى.
«بۇل ەسكى ماشينالار مەن اۋىل شارۋاشىلىعى تەحنيكالارىن قابىلدايتىن مەتالل سىنىقتارىن وڭدەيتىن زاۋىت بولادى. زاۋىت قاراعاندى قالاسىنىڭ ۇلگىسىندە جاسالادى. مەن اتالمىش ج ش س- مەن كەلىسسوزدەر جۇرگىزدىم. كەلەسى اپتادا ولاردىڭ كەلۋىن كۇتەمىز، مەموراندۋمعا قول قويامىز. زاۋىت يندۋستريالىق ايماق اۋماعىندا سالىناتىن بولادى» ، - دەدى ارحيمەد مۇحامبەتوۆ.
ءوڭىر باسشىسىنىڭ سوزىنشە، قازىر اۋىل شارۋاشىلىعى ماشينالارىن جاساۋ جاقسى دامىپ كەلەدى. ەسكى تەحنيكانى قايتا وڭدەۋگە بولادى. زاۋىتتى سالۋعا 2-3 ميلليارد تەڭگە جۇمسالادى دەپ كۇتىلۋدە. بۇل ماسەلە ۇكىمەت دەڭگەيىندە تالقىلانعان.
جالپى، وبلىس اۋماعىندا جىل سايىن 250 مىڭ توننا قاتتى تۇرمىستىق قالدىق پايدا بولادى. بىلتىر وڭىردە 40 پوليگون جويىلىپ، التى كاسىپورىن قالدىقتاردى وڭدەۋگە قاتىستى. ايماق باسشىسى قالا جانە اۋدان اكىمدەرىنە رۇقسات ەتىلمەگەن پوليگونداردىڭ الدىن الۋ، ال زاڭ بۇزۋشىلىقتارعا جول بەرگەندەردى جاۋاپقا تارتۋدى تاپسىردى.