جيىن بارىسىندا اكىم ورىنباسارى - شتاب باسشىسى ەرجان باباقۇماروۆ، قالالىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى ايزات مولداقاسىموۆا، قوعامدىق دەنساۋلىق ساقتاۋ باسقارماسىنىڭ باسشىسى تىلەۋحان ابىلدايەۆ، كولىكتەگى تاۋارلار مەن قىزمەتتەردىڭ ساپاسىن جانە قاۋىپسىزدىگىن باقىلاۋ كوميتەتى باسقارماسىنىڭ باسشىسى نۇرلان دوعالبايەۆتىڭ ەسەبى تىڭدالدى.
ۋاكىلەتتى ورگان وكىلدەرىنىڭ ايتۋىنشا، قازىر قالادا كوروناۆيرۋس جۇقپاسى جوق.
بۇگىندە قالادا 490 ادام كارانتينگە الىنعان. ولاردىڭ 407 ءسى ۇيلەرىندە وقشاۋلانسا، قالعانى ءتۇرلى مەديتسينالىق مەكەمەلەرىندە ستاتسيوناردا جاتىر.
كارانتيندەگى تۇلعالاردىڭ ەشقايسىسىندا كاتارالدى بەلگىلەر بىلىنبەيدى.
وسى جۇقپانىڭ الدىن الۋ ماقساتىندا ىندەتكە قارسى پروفيلاكتيكالىق شارالار كەشەنى قولعا الىندى.
قالا اكىمى ازاماتتاردى دياگنوستيكالىق تەستىلەۋ وتكىزۋ مۇمكىندىگىن كەڭەيتۋ، ءۇي كارانتينىندە جاتقان ازاماتتاردىڭ دەنساۋلىعىن باقىلاپ وتىرعان مەكەمە قىزمەتكەرلەرىنىڭ جۇمىسىن جاقسارتۋ كەرەكتىگىن ايتتى.
سونىمەن قاتار، بيلىكتىڭ ەپيدەمياعا قارسى قولعا العان شارالارى جايلى اقپاراتتىڭ اشىقتىعىن قامتاماسىز ەتۋدى تاپسىردى.
جيىندى قورىتىندىلاي كەلە باقىتجان ساعىنتايەۆ كوروناۆيرۋس تىركەلگەن جاعدايدا قالانىڭ تىرشىلىگىن قامتاماسىز ەتۋ الگوريتمىن جاساۋدى بۇيىردى.