وڭىرلىك كوممۋنيكاتسيالار قىزمەتىنىڭ مالىمەتىنشە، تۇركىستان وبلىسى كەلەس اۋدانىندا تۇراتىن 5 بالانىڭ اناسى ايگەرىم الىمبەكوۆا بىلتىر اتاۋلى الەۋمەتتىك كومەكتىڭ ارقاسىندا 1 ميلليون 389 مىڭ تەڭگە كولەمىندە قارجى العان. وعان ءۇي اۋلاسىنان قۇس شارۋاشالىعىن اشقان. بۇگىندە ۇيەلمەن 100 بودەنە مەن 50 تاۋىق اسىراپ وتىر. بۇدان بولەك، بيىل تاعى دا 100 باس بالاپان باستىرىپ جاتىر ەكەن.
«اتاۋلى الەۋمەتتىك كومەكتىڭ شاراپاتى مول بولدى. بالا- شاعامىزدىڭ نەسىبەسىنە ۇكىمەت قاراسىپ، مول قارجى بەردى. سونىڭ شاشاۋىن شىعارماي، كۇيەۋىم ەكەۋمىز جەكە كاسىپ اشۋدى ويلاستىردىق. بۇگىندە تۇرمىسىمىز جاقسى، تابىسىمىز دا جىل ساناپ مولايىپ كەلەدى. ەندىگى ارمانىم - قۇس شارۋاشىلىعىن ۇلعايتىپ، قۇس باسىن 500 داناعا جەتكىزۋ»، - دەيدى ايگەرىم الىمبەكوۆا.
اباي اۋىلىندا بودەنە جۇمىرتقاسىنا سۇرانىس مول. اسىرەسە، بازارداعى ساۋدا دۇكەندەرى مەن اسحانالار تاپسىرىستى كوپ بەرەتىن كورىنەدى.
ءبىراق، ايگەرىم الىمبەكوۆا قۇس ءوسىرۋدىڭ وزىندىك قيىندىقتارى بار ەكەنىن دە جاسىرمادى. ارنايى تاۋىق قورانىڭ دا قاجەتتىلىگى تۋىنداپتى.
الداعى ۋاقىتتا ول ءۇي اۋلاسىنان ارنايى قورا سالىپ، قۇس سانىن 1000-عا جەتكىزەمىن دەپ وتىر.