توكيو وليمپياداسىن توقتاتقاننان گورى ەكى جىلدان كەيىن وتكىزگەن دۇرىس
12:46, 11 - ناۋرىز 2020
نۇر-سۇلتان. قازاقپارات - توكيودا الداعى جازعى وليمپيادا ويىندارى كوروناۆيرۋسقا بايلانىستى توقتاتىلعان جاعدايدا ءبىر نەمەسە ەكى جىلدان كەيىن وتەدى.
بۇل تۋرالى The Wall Street Journal توكيو-2020 اتقارۋشى كوميتەتىنىڭ مۇشەسى حارۋيۋكي تاكاحاشيعا سىلتەمە جاساپ حابارلايدى.
ونىڭ ايتۋىنشا، باسقا نۇسقالار، مىسالى، وليمپيادانى كورەرمەنسىز وتكىزۋ نەمەسە تولىعىمەن توقتاتۋ اۋىر قارجىلىق زارداپتارعا سوقتىرۋى مۇمكىن.
«جازعى ويىندار توقتاتىلادى دەپ ويلامايمىن»، — دەپ مالىمدەدى تاكاحاشي.
ەسكە سالا كەتەيىك، توكيودا وليمپيادا شىلدەنىڭ 24 ىنەن 9- تامىز ارالىعىندا وتەدى. ال پاراليمپيادا ويىندارى 25- تامىزدان 6- قىركۇيەككە دەيىن بولادى.