ەلدىڭ مينيسترلەر كابينەتىندەگى جەدەل شتاب وسىنداي مالىمەت تاراتتى.
ۇشەۋدىڭ بىرەۋى - 1938 -جىلعى ەر ادام يراننان كەلگەن سوڭ ءبىراز ۋاقىتتان كەيىن دەنساۋلىعىنىڭ ناشارلاپ كەتۋىنە بايلانىستى اۋرۋحاناعا جۇگىنگەن. تەكسەرۋ كەزىندە ودان پنيەۆمونيا تابىلىپ، زەرتحانا سىناماسى كوروناۆيرۋس ينفەكسياسىن جۇقتىرعانىن راستادى. قازىرگى ۋاقىتتا سىرقاتتىڭ جاعدايى جاقسارعان.
قالعان ەكەۋى 1993 جانە 1994 -جىلعى ستۋدەنتتەر. ولار يراننىڭ گۋم قالاسىندا وقيدى. يران- ازەربايجان شەكاراسىنان وتكەن كەزدە ولار كارانتينگە جاتقىزىلعان. ولاردان كوروناۆيرۋس ينفەكسياسى تابىلدى. ولاردىڭ جاعدايى ءبىرقالىپتى، ەكەۋىندە دە دەنە قىزۋى جوق.
جەدەل شتابتىڭ مالىمدەۋىنشە، ءۇش ناۋقاس ەرەكشە رەجىمدەگى اۋرۋحاناعا جاتقىزىلعان، ولاردى ەمدەۋگە قاتىستى ءتيىستى شارالار قولعا الىنعان.
اۆتور: جانىبەك امانگەلدى