قازاقستاندىقتار دەمالىسىن شەتەلدە وتكىزۋدەن باس تارتتى

تايلاندتا تىنىعۋدى قالاعان 6 مىڭ وتانداسىمىز كوروناۆيرۋسقا بايلانىستى جوسپارىن وزگەرتتى. بۇل تۋرالى قازاقستان تۋروپەراتورلار قاۋىمداستىعىنىڭ وكىلدەرى حابارلادى.

مالىمەتتەرگە قاراعاندا وسى ەكى ەلدىڭ وزىنەن تۋريستىك كومپانيالار جەتى جارىم ميلليون تابىس تابۋى تيىسەدى. الايدا پايدادان قاعىلدى. سوڭعى كەزدە تۇركيا مەن ەگيپەتتە دەمالۋدى قالايتىندار سانى دا ءبىرشاما قىسقارعان. ال ساۋد ارابياسى قازاقستان ازاماتتارىنا تۋريستىك ۆيزا بەرۋدى ۋاقىتشا شەكتەپ تاستادى.

كوروناۆيرۋس رەسەيلىك تۋروپەراتورلاردى دا تىعىرىققا تىرەپ جاتىر. مۇنداعى ساياحاتشىلارمەن جۇمىس جاسايتىن كومپانيالاردىڭ جالپى شىعىنى 27 ميلليارد رۋبلدەن اسقان. ال بىرىككەن ۇلتتار ۇيىمى ىندەتتىڭ الەم ەكونوميكاسىنا تيگىزگەن شىعىنىن جاريالادى.

ۆيرۋسقا بايلانىستى قىتايداعى ءوندىرىس 2 پروتسەنتكە كەمىگەن. بۇل جاھاندىق ساۋدا اينالىمىنىڭ ازايۋىنا اسەر ەتتى. سالدارىنان اقپاننىڭ وزىندە الەمنىڭ ەكونوميكالىق تابىس 50 ميلليارد دوللارعا قىسقاردى. بۇگىندە قىتاي جەر بەتىندەگى ىقپالدى ءوندىرىس ءورتالىعىنىڭ ءبىرى ەكەنى بەلگىلى. سوندىقتان ونىڭ تاۋارلارىنا تاۋەلدى ەلدەر كوبىرەك شىعىنعا ۇشىرادى.

ماسەلەن، ەۋرووداق 15 جارىم ميلليارد دوللار، ا ق ش 6 ميللياردقا جۋىق، جاپونيا 5، كورەيا 3,8 ميلليارد دولار شىعىنعا باتتى. ال ا ق ش- تىڭ قارجى ءمينيسترى ستيۆەن منۋچين كوروناۆيرۋس امەريكانىڭ ەكونوميكاسىنا ۇزاق مەرزىمدى اسەر ەتپەيتىنىن جاريالادى.

www.24.kz