ۇلتتىق بانك قارجى نارىعىنا ىقپال ەتەتىن سىرتقى فاكتورلاردى اتادى

الماتى. قازاقپارات - قر ۇلتتىق بانكى ءتوراعاسىنىڭ ورىنباسارى ءاليا مولدابەكوۆا قارجى نارىعىنا ىقپال ەتەتىن سىرتقى فاكتورلار جايلى ايتتى، دەپ حابارلايدى قازاقپارات ءتىلشىسى.

سونىمەن قاتار ول ۇلتتىق بانكتىڭ تۇراقتاندىرۋ شارالارى تۋرالى ءتۇسىندىردى.

«جاڭا ۆيرۋستىڭ جاھاندىق تارالۋى الەمدىك ەكونوميكانىڭ باستى سىن قاتەرىنە اينالىپ وتىر. قارجى نارىقتارىندا ەكونوميكالىق ءوسىم ازايدى، بولجامداردىڭ بارلىعى كوڭىل كونشىتەرلىك ەمەس. ەكونوميكانى قولداۋ ءۇشىن فەدەرالدى رەزەرۆ جۇيەسى، كانادا بانكى، اۆستراليا ورتالىق بانكى ستاۆكالاردى ءتۇسىردى. ۆيرۋستىڭ قىتايدان تىس جەرگە تارالۋى ينۆەستورلاردىڭ دامۋشى ەلدەردىڭ ەكونوميكاسىنان كەتۋىنە ىقپال ەتتى. بۇل احۋال قازاقستان ەكونوميكاسىنا دا اسەر ەتتى»، - دەدى ءاليا مولدابەكوۆا.

تەڭگەنىڭ ايىرباس كۋرسى - سىرتقى شوكتاردان اۆتوماتتى تۇردە تۇراقتاندىراتىن فاكتور.

قاڭتاردا مۇناي باررەلىنىڭ قۇنى 60 تان 50 گە ءتۇسىپ كەتتى. رۋبل اقپاندا %4,5 عا، يندونەزيالىق رۋپي %4,9 عا السىرەدى. مەكسيكا، تۇركيا، برازيليا، وار ۆاليۋتالارى %4,9 عا كەمىدى.

يندونەزيا مەن برازيليا ورتالىق بانكتەرى ۆاليۋتالىق ينتەرۆەنتسيا وتكىزگەنىن حابارلادى.

«تەڭگە ءبىر ايدا %0,6 عا ازايدى. سەبەبى، اقپان سالىق تولەيتىن ۋاقىت. ەكسپورتەرلەردىڭ قارجىسى تەڭگەنى كوتەرىپ تۇردى»، - دەدى ءتوراعا ورىنباسارى.

الايدا، سالىق تولەمىنەن سوڭ تەڭگەنىڭ جاعدايى جاقسارعان جوق.

«24-28- اقپان ارالىعىندا مۇناي باررەلىنىڭ قۇنى 57 دەن 50,5 كە ءتۇستى،  عا ارزاندادى. مۇنىڭ بارلىعى اقشا نارىعىنداعى شەتەلدىك ۆاليۋتاعا سۇرانىستى ارتتىردى. ۆاليۋتا نارىعىنداعى جاعدايدى تۇراقتاندىرۋ ءۇشىن ۇلتتىق بانك اقپاننىڭ سوڭعى كۇندەرى ۆاليۋتالىق ينتەرۆەنتسيا جاسادى»، - دەدى ءاليا مولدابەكوۆا.

ۇلتتىق بانك اقپان ايىندا $94,8 ميلليون ساتتى.