بۇل تۋرالى قازاقپارات اكىمدىك سايتىنا سىلتەمە جاساپ حابارلايدى.
5-8- ناۋرىز كۇنى وتەتىن اكتسيا اياسىندا اياۋلى ارۋلار مەن انالارعا مىڭنان اسا قىزعالداق گۇلىن سىيلايتىن بولادى. بۇگىنگى اكتسيا قالا حالقى كوپ شوعىرلانعان «استانالىق» ساۋدا ورتالىعى مەن «تۇلپار» ساۋدا ءۇيىنىڭ ىرگەلەس اۋماعىندا ءوتتى.
ۆولونتەرلەر ساۋدا ورتالىعىنىڭ قىزمەتكەرلەرىن مەرەكەمەن قۇتتىقتاپ، ىزگى تىلەكتەرىن ءبىلدىردى. اكتسياعا 20 ەرىكتى قاتىستى، ولاردىڭ ىشىندە كاسىپكەرلىكپەن اينالىساتىن ۆولونتەرلەر دە بار. ۆولونتەرلار كوكتەمگى مەرەكەدە ايەل ازاماتتارعا جاقسى كوڭىل-كۇي سىيلاۋ ارقىلى ەرەكشە اسەرگە بولەنگەندەرىن اتادى.
«8- ناۋرىز ەرەكشە مەيرام. كوكتەم مەرەكەسى. ءبىزدىڭ اكتسيامىز ارداقتى انالارعا، اپا-قارىنداستارعا، بارلىق ايەلدەر قاۋىمىنا ارنالادى. گۇل سىيلاپ تۇرعان العاشقى سەكۋندتاردا قىزدار تاڭدانىپ، سەنىمدىكپەن قارايتىن. كەيىننەن قۋانىپ، وسىلاي كوڭىل بولگەنىمىزگە العىستارىن ءبىلدىرىپ جاتتى»، - دەدى ەلوردالىق ۆولونتەر اديلەت بايبوسىنوۆ.
اكتسيا 8- ناۋرىزعا دەيىن سوزىلادى جانە ۆولونتەرلار گۇلدى كوممۋنالدىق سالا قىزمەتكەرلەرىنە، مادەنيەت، مەديتسينا جانە الەۋمەتتىك سالا قىزمەتكەرلەرىنە، سونداي-اق، ءتۇرلى سالا ماماندارىنا تاراتادى.